بهایێ زێڕی بەر ب خوارێڤە دچیت
سولین سلێمان:
هەر چەندە د چەند حەفتێن بوریدا بهایێ زێری ب شێوازەكێ گەلەك زۆر بهایێ خۆ، بلند ببوو، هەتا گەهشتیە ئاستێ پیڤانكی د مێژوویا خۆ دا، لێ د نۆكە دا ئەو بها هاتیە خار نۆرمال بوویە.
ئەركان گەردی خودان ئێك ژ دوكانێن مەزن یێن زێرایە و دەربارێ ڤێ چەندێ بۆ رۆژناما ئەڤرۆ گۆت ”بهایێ زێری د ماوێ بوریدا گەهشتبوو ئاستەكی ب شێوازەكی كۆ ئێك مسقالێ عیار 21 بهایێ وێ ب 510 هزار دیناران بوو.
گوتژی ”ئەگەرێ بلند بوونا بهایێ وێژی شەرێ ئیران و ئسرائیلێ بوو، نوكە وەكی ئەم دبینین ئەو شەرێ وانا نەمایە، ئەڤجا بهایێ وێژی كێم بوویە و ئێدی بەر ب نورماڵیێڤە دچیت، ئەم پێشبینیێ دكەین هێشتا بهایێ زێری بهێتە خار.
ئازاد نوری د ماوێ بوریدا ب ئەگەرێ بلندبونا بهایێ زێری قازانج كرینە و بۆ رۆژناما ئەڤرۆ گۆت” دەمێ من دیت رۆژ بۆ رۆژێ بهایێ زێری بەر ب بلندبۆنێڤە دچیت، من ب هەل دیت كۆ هندەك ئەو زێرێن مە هەین بفرۆشین من شیا قازانجەكی ژێ بكەم و دیسا ژی من ل بەرە بها هێشتا بهێتە خار هندەك زێرێن دی بكرمەڤە، ئەڤە چەندە وەكی قازانجەكێ باشە بوویە ب‌و من .
