به‌رهه‌ڤيێن به‌فرێ هاتنه كرن
ئه‌ڤرۆ نيوز:
رێڤەبەرێ سەخبێریا پاراستنا رێک و پرا ل پارێزگەھا دھۆکێ دیار کر کو حەفت تیم بۆ رامالینا بەفرێ ل سەر ھەموو جادەیێن قەزا و ناحیە و گوند و کۆمەلگەھێن پارێزگەھا دھۆکێ ھاتنە پێکئینان و بۆ ھەر حالەتەکێ نەچاڤەرێکری یێ ھاتنا بەفرێ و پاقژکرنا جادەیان دێ د ئامادەباشیێ دابن.
ئەندازیارێ شارەزا دێوالی حەمێ بریندار، رێڤەبەری سەخبێریا پاراستنا رێک و پرا ل پارێزگەھا دھۆکێ دیار کر کو تیمێن رامالینا بەفرێ ل ھەموو دەڤەرا دگەل ئامیرێن پاقژکرنا جادەیان ھاتنە بەلاڤکرن بۆ وێ چەندێ کو رێک بھێنە خۆشکرن و ھاتنوچوون د ناڤبەرا قەزا و ناحیە و دەڤەرێن پارێزگەھا دھۆکێ دا نەھێتە بڕین، ب تایبەتی ل دەڤەرا کانی ماسێ و بەرواری بالا و گارە و ھەموو دەڤەرێن چیایی یێن دھۆکێ و گۆت “ل ھەر دەڤەرەکێ تیمەک ھاتیە خوەجھکرن و دێ د خزمەتا وەلاتیان دا بن، ب تایبەتی شوفێرێن دەڤەرێ، دا کو ئاستەنگێن ھاتنوچوونێ دروست نەبن و شوفێر ب ئاسانی بھێن و بچن و چ روودان دروست نەبن”.
ئەندازیارێ شارەزا دێوالی گۆت ژی “دەمێ بەفر دھێت پێدڤیە شوفێر دھشیار بن و ھەڤکاربن دگەل تیمێن رامالینا بەفرێ ل دھۆکێ و ھەر دەڤەرەکا بەفر لێ بباریت دێ ئیکسەر ھێنە پاقژکرن و ھندی د شیان دابیت ئەم ناھێلن ئاستەنگێن ھاتنوچوونی بۆ خەلکێ دەڤەری دروست ببن”.
