بێهنا وەلاتێ من ژ دهۆكێ دهێت
سندس سالح سلێڤانەیی
شارەزایەكا گیاو دەرمانێن سرۆشتی، كو خەلكا وەلاتێ سۆریێ یە و ئێك ژ پشكدارێن فێستیڤالا چارێ یا بازاڕگەڕییا وەلاتێ مسرێ یە، ئەوا بەری چەند رۆژان ل دهۆكێ هاتیە ڤەكرن، دیاركر كو ئەڤە جارا سێیێ ئەو پشكداریێ دڤێ قێستیڤالێ دا دكەت و دبێژیت: دەمێ ئەز دهێمە هەرێما كوردستانێ ئەز هەست پێ دكەم كو ئەز یا ل وەلاتێ خۆ.
رودەینا ئەبو تافش، بۆ رۆژنامەیا ئەڤرۆ گۆت: ئەڤ جارە من ب شێوەیەكێ بەرفرەهتر پشكداری دڤێ فێسنیڤالێ دا كریە و پتری (50) جۆرێن گیا و دەرمانێن سروشتی ئیناینە، كو پتریا وان (ئەمریكی و بیرتانی) و چەند وەلاتێن دی نە، چنكو ل جارێن بۆری بۆ من دیاربوو كو خەلكێ دهۆكێ حەزا كڕینا گیا و دەرمانێن سرۆشتی هەیە، بۆ زانین ل سالا (2017) وەرە ئەز هاتیمە چەند پارێزگەهەكێن عیراقێ و من پشكداری د ڤان جۆرە فێستیڤالان دا كریە، لێ ئەڤە بۆ جارا سێیێ یە ئەز دهێمە هەرێما كوردستانێ، بەری نوكە ئەز چوویمە هەولێر و كەركووكێ ژی، لێ دەمێ ئەز دهێمە دهۆكێ هەست پێ دكەم ئەز یا ل مالا خۆ و بێهنا وەلاتێ من ژڤی باژێری دهێت.
