بەخشینا ڕێزگرتنێ

بەخشینا ڕێزگرتنێ

12
The following two tabs change content below.
سەیفوللا محەمەد

سەیفوللا محەمەد

سەیفوللا محەمەد

Latest posts by سەیفوللا محەمەد (see all)

سەیفوللا محەمەد

سەیفوللا محەمەد

سەیفوللا محەمەد

چ پێ نەڤێت كو د ناڤ هەر جڤاكەكی دا تەخا ڕەوشەنبیر و نڤیسەران ب هەموو چەق و ڕوییێن خوەڤە تەخەكا بژارەیە و ئێكجار گرنگ و پێشەنگە، سەركاروانە د پێڤاژوویا پێشڤەچوونا جڤاكی دا.
ڤێ تەخی كارتێكرنەكا مەزن هەیە د گەلەك بۆاران دا، چ وەكو ڤەژاندن و پاراستنا زمان و مێژو و توڕ و كلتۆرێ نەتەوەی، یان ڤەدیتنا هزر و بیر و بۆچوونێن دبنە هوكار بۆ ڕەوشەنبیرییا جڤاكی و ئاراستەكرنا وی د ڕێڕەوەك ڕاست و ساخلەمدا، یا دیارە ئەگەر ل هەر مللەتەكی یان جڤاكەكی پێشكەفتی ژی بنێرین، دێ بینین هەر ل سەر دەستێ ڤێ دەستەكێ بوویە، ئانكو ڤێ تەخا ڕەوشەنبیر، چونكە چاڤكانییا هەر ئافڕاندن و داهێنانەكێ بوویە.
هەر ژ بەر ڤێ ئێكێ ژی، ئەم وەكو جڤاكێ كوردی و ب تایبەت ل هەرێما كوردستانێ جیاواز ژ پارچەیێن دی یێن كوردستانێ كو خودان دەستهەلات و حكومەتین، شیانێن مە ژ هەر لایەكی ڤە نە كێمن بۆ هندێ پیتەدان ب ڤێ تەخێ بێتە دان و چەندەكێ هاریكار و پشتەڤان بن. لەوا ژی داخوازێ ژ كابینەیا نوو یا حكومەتا هەرێما كوردستانێ دكین، ب تایبەت وەزارەتا ڕەوشەنبیری، كو د كارنامەتا وێ دا بیت بۆ سالێن داهاتی جارەكا دی وەكو سالێن بەری قەیرانێ بەخشینا ڕەمزی یا ڕێزگرتنێ بۆ هەموو نڤیسەر و هونەرمەندان بزڤڕینن، هەر چ نەبیت ئەڤ تەخە ژی هەست ب هندێ بكەن كو بهایێ خوە هەیە و ڕۆلێ وێ یێ مەزن ل بەرچاڤ دهێتە وەرگرتن، چونكە هەتا نوكە وەكو تەخەكا پشتگوهـ خستییە، هەر چەندە ئەڤ تەخە گەلەك ماندی دبیت و خودان خزمەت و ڤەڕێژەكا بێ وێنەیە، دیسان وەكو مولكەكی گشتی دهێتە ناسكرن و د شێین بێژین سامانەكی نەتەوەی یە، ئەڤجا هاركاری و پشتەڤانییا وێ ژی بەرپرسیارییەكا مەزنە و ئەركەكی نەتەوەی و نیشتمانی گەلەك پیرۆزە.

کۆمێنتا تە