ب وێنه: ئاگر به‌ربوو ترۆمبێله‌كێ و كه‌سه‌ك تێدا سۆت
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ بۆ ئه‌ڤرۆ نيوز راگه‌هاند كو به‌رى ده‌مه‌كێ كێم ل به‌رامبه‌ر كه‌مپێ زانكۆيا دهۆك ل مالتايێ ئاگر به‌ربوو ترۆمبێله‌كێ و ژ ئه‌نجامێ ئاگر تێ به‌ربوونێ كه‌سه‌كى گيانێ خوه ژ ده‌ست دا.
ئه‌ڤى ژێده‌رێ كو ل نێزيكى روودانێ بوويى، گۆت: “به‌رى ده‌مه‌كێ كێم ترۆمبێله‌كا BMW ل به‌رامبه‌ر كه‌مپا زانكۆيا دهۆك وه‌رگه‌ريا كه‌فته سه‌ر ته‌نشتا خوه و ئاگر به‌ربوويێ”.
زێده‌تر گۆت: “ژ ئه‌نجامێ ڤێ روودانێ، شوفێر و دو كه‌سێن دى شيان خوه رزگار كه‌ن، به‌لێ كه‌سه‌ك ما ئاسێ و نه‌شيا بهێته ده‌ر و د ئه‌نجام دا سۆت و گيانێ خوه ژ ده‌ست دا”.
