ڤیدیو و زانیاری – زێدەتری 35 ملیون دیناران زیان ب پروژەیەکێ مریشکان کەفتن
فوتو و زانيارى ، نەوزاد ھلۆری:
شڤێدی ژبەر سەدەما نڤستنا کرێکارێ پروژەیەکێ مریشکان ل دەڤەرا بارزان ، سەرجەم مریشکێن پروژەی توشی ژەھراوی و تەنگە نەفەسیێ دبن و پاشان دمرن.
دڤی واریدا ” ئێحسان بازی ” خودانێ پروژێ مریشکێن ئەیمەن ل گوندێ بازێ یا سەر ب دەڤەرا بارزان بو ئەڤرو نیوز گۆت: (شڤێدی ژبەر سەدەما نڤستنا کرێکارێ پروژەیێ من یێ مریشکان ل گوندێ بازێ کو ل دەشتا ھردان ھاتیە چێکرن ھەموو مریشکێن پروژەیێ من توشی ژەھراوی بوون و تەنگەنەفەسی بوون و دوڤدا مرن)
زێدەتر گۆت: (ل دەمژمێر 03:00 ب شەڤ کرێکارێ پروژەی نڤست بو و پاشان دوڤدا کارەبا چو ، و بو دەما سێ دەمژمێران پرۆژە بێ کارەب بوویە ، ئەڤ یەک ژی بوویە سەدەم کو پرژە گەلەک گەرم ببیت ژبەرکو سیستەمێ غازێ کاردکر و گەرما ھەبوو و سیستەمێ ساراتیێ ژی نەما بو، بویە سەدەم کو ھەموو مریشک توشی ژەھراوی و تەنگەنەفەسی ببن و بمرن )
ئێحسانی ل بارا زیانێن پرژەی گوت: (زیانێن سەرجەم پروژەی دناڤبەرا 35 بو 40 ملیون دینارایە ژبەرکو زێدەباری مرنا مریشکان ، من نێزیکێ ١٥ ملیون دیناران مەسرەف لێکریە ، دخوازم کو حکومەت و جھێن شولەژێ ھەڤکاریا من بکەن داکو بکارم دووبارە جارەک دن پروژەیێ خوە بدانم ڤە)
