تایبەتمەندیا نوو.. دێ چاوا ناڤێ خۆ ل واتساپی گرێدەی بەری ب دووماهی بهێت؟
پەروین سەلاح:
واتساپێ دەرگەهـ ڤەکریە نوکە بۆ گرێدانا و تۆمارکرنا ناڤێن بکارئینەران (usernames)، ئەڤە رێکا نویە یا واتساپێ یە دڤێت ڤێ سالێ بچیتە سەر و ب ڤێ رێکێ پەیوەندی د ناڤبەرا بکارئینەران دا ساناهیتر لێ دهێت و پاراستنا تایبەتمەندیا وان ژی زێدەتر لێ دهێت.
ئەڤ رێکا پەیوەندیێ یا نوو دهێت دا کار بکەت دگەل ژمارێن تەلەفونێن کەڤن، کو شیانان ددەتە بکارئینەران کو پەیامان بهنێرن ب رێکا پارڤەکرنا ناڤێن هەژمارێن وان بتنێ، ب هەمان شێوەیێ کو ل دەف هەیە، ئەڤە دێ ئاستێن تایبەتمەندی و نەرماتیێ بلند کەت
بێگومان، ناڤێن بکارئینەران دێ تایبەت بن و نەشێن ژ نوو بهێنە بکارئینان، لەوا پلاتفۆرمێ زیکا دەرفەت دا بکارئینەران کو ناڤ و ناسناڤێن جودا جودا یێن ب دلێ وان بن گرێبدەن .واتساپێ د پەیاما خوە دا دیار کر کو ئەگەرێ گرێدانا ناڤان ب زووری بەری تایبەتمەندی بهێتە دانان، ژ بەر کو پتر ژ 3 ملیار بکارئینەر ل سەر پلاتفۆرمێ هەنە، ئەڤ چەندە دێ بیتە ئەگەر کو ناڤ ل گەل ئێک و دوو تێکەل ببن و ل ناڤبەرا هندەک بکارئینەران تێکێچوون هەبیت، ئەڤ دەرگەهێ گرێدانێ ب زوویی ڤەدکەین دا کو دەرفەت بۆ هەمیان هەبیت ناڤێ ب دلێ خوە هەلبژێرن،هەروەسا پلاتفۆرمێ تایبەتمەندیا پاراستنێ یا زێدەتر دابین کریە ب ناڤێ “شیفرەیا هنارتنێ”، ب ئارمانجا ژناڤبرنا بێزارکرنێ و رێگریکرنێ ل پەیامێن بێ سەروبەر ژ کەسێن کو تە نانیاسن.
چەوا دێ شێی ناڤێ خو
ل “واتساپ”ێ گرێدەی؟
پلاتفۆرما گرێدانا ناڤان ب شێوەکێ راستەوخۆ د رێیا ئەپلیکەیشنا “واتساپ”ێ ڤە کو ل سەر تەلەفۆنان ب جورێن جودا جودا هاتینە دانان، ب شێوەکێ پلە ب پلە رێک پێدایە، ل گۆر راپۆرتا مالپەرا تەکنیکی یا ئەمریکی “ئەندرۆید ئەثۆرتی” (Android Authority).
پلاتفۆرم ئاگەهداریا د ناڤ ئەپلیکەیشنان دا بو هندەک بکارئینەران دهنێریت دا کو ناڤێ بکارئینەریێ یێ تایبەت ب خو گرێدەن، هەروەسا تو دشێی ب خو ڤێ چەندێ بکەی ب رێیا بجهئینانا ڤان پێنگاڤێن ل خوارێ:
– هەرە د لیستا رێکخستنێن تایبەت ب ئەپلیکەیشنا “واتساپ” ڤە ل ناڤ تەلەفۆنا تە.
– پشتی وێ ناڤێ بکارئینەری هەلبژێرە.
– پشتی وێ ناڤێ بکارئینەری هەلبژێرە، دا لیستەک ل بەر تە دیار ببیت کو رێیێ ددەتە تە ناڤێ بکارئینەری ژ بۆ جارا ئێکێ هەلبژێری یان ژی بگۆهوری ئەگەر تە بڤێت ل بنێ، بژاردەیا وەرگرتنا پەیامان ژ هەر کەسەکی دێ بینی یێ ناڤێ بکارئینەریێ تە هەبیت یان ب تنێ ب رێکا رەمزا هنارتنێ.
ڤێ تایبەتمەندیێ مەرەما پەیوەندیێ ب رێیا ژمارا تەلەفۆنێ ژ ناڤ نابەت، چونکی د پلاتفۆرمێ دا بەردەوامە و دشێت بهێتە بکارئینان ژ بۆ پەیوەندیێ ب بکارئینەران ڤە د هەر دەمەکی دا پاراستنا نوو بتنێ ل سەر گۆتوبێژێن نوو دهێتە بکارئینان، چونکی گۆتوبێژێن کو تە ژمارا تەلەفۆنا خۆ دگەل وان بەری نوکە پارڤەکریە، وەک خۆ دمینن و بکارئینەرێن وان دشێن ب گەهنە تەلەفۆنا تە.
