ترومبێلا جێلی كروزهر نمرەیەكا پیڤایی شكاند
ئهڤرۆ، نیوار:
تۆمارەکا دیرۆکی؛ جێلی گالاکسی کروزەر 700 بۆ جارا ئێكێ ل جیهانێ بلنداهیا 6001 مەتری بڕی.
د دەستکەفتەکا بێ وێنە و دیرۆکی دا، کۆمپانیا جێلی راگەهاند؛ مۆدێلا نوو یا Geely Galaxy Cruiser 700 شیایە ببیتە ئێكەم ئۆتۆمبێلا بەرهەمهاتی یا بازارێ (Production Car) ل جیهانێ کو ب سەرکەفتیانە بلند ببیت بۆ ئاستێ 6001 مەتری ل سەر ئاستا دەریایێ، ئەڤە ژی د ههڤركیهكا توند و د دەڤەرەکا چیایی یا سەخت دا هاتییە تۆمارکرن.
هێزا بێسنۆر یا سیستەمێ هایبرد
ئەوا هاریکاریا ئەڤێ ترۆمبێلێ کری بۆ سەرکەفتن ل سەر ڤێ بلنداهیا مەترسیدار، هەبوونا سیستەمەکێ پێشکەفتی یێ هایبردە کو شیانەکا سەرنجڕاکێش هەیە:
* شیانا بزوێنەرێ:
سیستەمێ هایبرد هێزەکا مەزن یا 1129 ئەسپی بەرهەم دئینیت، کو دشێت د دەمێ کێمبوونا ئۆکسجینێ دا ل چیایێن بلند، هێزا پێدڤی بۆ تایران دابین بکەت.
* پاراستنا ئاستا کارکرنێ:
تەنانەت د بارودۆخێن سەخت یێن کەش و هەوایێ و کێمبوونا پەستانا هەوایێ دا، سیستەمێ کارەبایی و پەنزینی ب شێوازەکێ هەڤسەنگ کار کریە دا کو ترۆمبێل بێ وهستیان رێیێ ببریت.
مۆدێلا ستاندارد بێی دەستکاری
ئەوا ئەڤێ دەستکەفتێ یا جێلی زێدەتر سەرنجڕاکێش دکەت ئەوە کو ئۆتۆمبێل ب مۆدێلا ستاندارد و بێی کو چ گۆڕانکارییێن تەکنیکی یێن تایبەت بۆ بهێنە کرن، ئەڤ لوتکە تێپەڕاندیە، ئەڤە ژی نیشانا قایمبوون و بلندیا کوالیتیا دروستکرنا شاسی و پارچەیێن وێ یە.
داهاتووهکێ گەش د بازاران دا
بڕیار وایە جێلی گالاکسی کروزەر 700 ببیتە ئێك ژ دیارترین و مەزنترین ناڤێن نوو یێن سالا 2026 ل جیهانا ترۆمبێلان دا.
پێشبینی دهێتە کرن پشتی گەشەکرنا بەلاڤبوونا وێ د بازارێن ناڤخۆیی دا، کۆمپانیا دەست ب هنارتنا وێ بۆ بازارێن جیهانی بکەت.
