تێكچوونا شۆڕشا ئیلۆنێ نەخۆشترین رۆژ بـوو دژیانا من دا
سێمێل: سالار محەمەد دۆسكی:
2-4
پێشمەرگەیێ ناڤهاتی گۆت: پشتی دروستبوونا بەتەلیۆنا (نەعمو سەمەد) بۆ بەتەلیۆنا هێزا دهۆك یا ئێكێ وی دەمی (عەلیێ خەلیل) بەرپرسێ هێزا دهۆك بوو و (عبدولڕەزاق گەرماڤی) جێگرێ وی بوو، (فارس كورەماركی) یێ دووێ(حەسەنێ عەلی) یێ سیێ بوو، هێزا دهۆك ژ چار بەتەلیونا پێك دهات و بیرا من دهێت بەتەلیونا (نەعمو سەمەد) ئەم بەرەف مانگێشكێ چووین و گۆتن دێ چینە شەری وێ دەڤەرێ و ئەم چووینە مانگێشكێ (رەشویێ سمۆ) ژی ل وێرێ بوو و شەهید بوو، و پسمامەكێ مە دگۆتنێ (كەرم) جەنازێ وی ئینا و ئەم ل وی شەری شكەستین و چەتە هاتن و ئاگر بەردا دەڤەرێ و ئەم چووین بەرەف گوندێ قاڕقاڕاڤا وی دەمی جەلالی ل وێرێ بوون، و هەڤالەكێ مە شەهید بوو.
هەمان پێشمەرگەی بەحسێ چەكێ پێشمەرگەی دكەت ل شۆڕشا ئیلۆنێ و گۆت: چەكێ وی دەمی (بڕنۆ، سەلیب، ئنگلزیێن كورت، ئەلمان) بوون، و دوڤدا بازووك بوو مە هاتن و ئەم چووینە خولا هاڤێتنا بازوكان، وی دەمی ل بامەرنێ (سەید سالح چەم سەیدی) بوو دەمێ 45 رۆژان بوو مە خول ڤەكر.
هەمان پێشمەرگەیێ شۆڕشا ئیلۆنێ ئەو ژی گۆت: ل دەسپێكا شۆڕشا ئیلۆنێ جلكێن هەمی پێشمەرگان بەرگیزبوون، و دوڤدا پێشمەرگەی خاككرنێ و هەرسێ هەیڤان سەركردایەتیێ دەستەكێ بەرگیزا دا مە و هەر ئێك رەنگەك بوو، ئانكو هەمی وەك ئێك نەبوون و مووچێ مە (3) دەرهەم بوون، و دەفكەكێ ماكینێ و بەركەكێ چەق ماقێ هەر حەفتی دانە هەر پێشمەرگەكی وی دەمی چەقماق یێن گازێ بوون و ل گەل دەسكەكێ پەركا و هندەك تیتنێ و هەر دانێ رۆژێ نانەك دامە و هندەك جاران سافار ژی بوومە چێ دكر، و من بخوە نانێ ل سەر دەرێ بەرمیلێ چێكری و خواری و بنێ برمیلێ من دانا سەر بەران و مە نان ل سەر دانا بەلێ گەلەك یا ب زەووق و خوش بوو و دلێ خوش بوو و كوردینی بوو.
هەمان پێشمەرگەیێ شۆڕشا ئیلونێ گۆت: ئەگەر ئێك ب با پێشمەرگە ئەو ژكەیفا دا دفڕی و سێ هەیڤان و زێدەتر ژی چەك نەدایێ و مە ئاڤ بۆ پێشمەرگەی كێشا و مە دار دبرین و داد پەروەری بوو، و ئەگەرنانەك با هەمیان پێكڤە دخوار و مەزن و بەرپرس نەبوو، ئان خوارنا وان جودا بەلكو هەمی ئێك رێزن بوو.
هەمان پێشمەرگەی بەحسێ بەیانا 11ی ئادارێ ل سالا 1970ێ كر و گۆت: دەمێ بەیانا 11ی ئادارێ ترۆمبێل هاتن و پێشمەرگە برنە بەغدا ب شەڤ و من گەلەك گۆتە مامێ خوە ئەژی بچم گۆت توناچی و پێشمەرگە چوونە ئاهەنگێ و خەلكێ بەغدا ژی دونیا خرابكر وێنێن وێ ئاهەنگێ هەتا نوكە ژی هەنە و جەنابێ سەرۆك بارزانی و ئدریس بارزانی ل گەل چەند ئەندامێن مەكتەبا سیاسی یا پارتی ل گەل سەرۆك كۆمارێ ئیراقێ و چەند ئەندامێن سەركردایەتی یا حزبا بەعس گوتارا رێكەفتنا 11ی ئادارێ یا سالا 1970ێ خوینن و پشكەكا ئەوا پێشمەرگێن چووینە بەغدا ژ بەتەلیۆنا (نەعمو سەمەد) بوو، وی دەمی گەلەك ئاهەنگێن مەزن ل دهۆكێ و سێمێلێ وهەمی دەڤەرێن كوردستانێ هاتنەكرن و گەلەك كەیفا خەلكی هات بوو، دەهول و زرنا و ڕەقاس و بچیكا و دونیا خراب بوون بوو و هیتافات دگۆتن.
هەمان پێشمەرگەیێ شۆرەشا ئیلۆنێ گۆت: دەمێ سالا 1974 شەر دەست پێكری وی دەمی ئەم ل ماسیكێ بووین، عەلیێ خەلیل هاتە ڤەگوهاستن و عبدولرەزاق گەرماڤی دۆسكی بۆ ئامر هێزێ دهۆك و نامەك بۆ نەعمو سەمد هنارت و گۆتێ هێزەكێ ڤەگوهێزە چیایێ زاوا ئەم چووینە زاوا ئەحمەد شانە هاتبوو، و شەڕی دەستپێكر و 30 پێشمەرگە ل گەل من بوون و زێرەڤانێن تایبەتێن نەعمو سەمەد بتایبەتی ئەز بەرپرسێ وان بووم، بەكر چوو پسمامەكێ مە بوو و مامێ من گۆتێ سەحكەنێ كیڤە چوو و ئئێكی دگۆتنێ كازم هندەك تەحین بوومە ئینا و بوهار بوو و خەلك ل دەرڤە دنفستن و دارەك ل چیایێ زاوا بوو ئەم لبن دارێ بووین، و ئێكی دگۆتنێ حەجی سۆفی هات و گۆت سمائیل من گۆتێ بەلێ گۆت كەسەكێ هێرڤە دهێت ژ ئالیێ قەسارا ب سەركەفت و من گۆتێ گەل نەئاخفن هەتا نێزیكی مە دبیت و هات سلاڤی مە كر، و گۆت ئەڤە نە هێزێن نەعمو سەمەدن؟ من گۆتێ بەلێ و شەل والەك و چاكیتەك ل بەر دانە و مە نەنیاسی ئەو كیە؟ گۆت سوباهی تەقدما لەشكرێ ئیراقێ یە بۆ هەوەن ئەز چوومە دەف خالد قەساری خودێ ژێ رازی بیت، و من گۆتێ خالد تەقدەم بوومە ژ مویسل هات وی گۆت من دەستردان وەرگرتیە و ل گەل هەتاڤ هەلاتنێ من دیت دو فرۆكە هاتن و دور چیایی زڤرین و من هەست پێكر تشتەكێ روودەت و نەیێ سرۆشتی یە وەكی جاران و مە تێشت خوار و بوو نێزیكی دەمژمێر 10ی سپێدێ و مە دیت بەرێ دەبابا كەفتتە دەڤەرێ و تەقدەم هات و مە توپەكا 120 هەبوو و سەرێ پشتا چیایێ زاوا بوو، و ساروخەك ل توپا مە دا و پیچ بوو و شەری دەست پێكر و ئەم ماین هەتا ئێڤارەكا درەنگ و مە 16 شەهید دان و هندەك مە نەدیت هەر پرتكاندن و ئەم شكەستین و ئەم نەشیاین خوە ل بەر وێ هێزا مەزنا دوژمنی بگرین و هێزەكا نەعمو صەمەد ل وێرێ بوو، و بەتەلیۆنا ئەحمەد شانەی هەمی ل وێرێ بوو و گەلەك شەهیدان بەرواری یا ل وێ دەڤەرێ و ڕاستی كوردینی گەلەك یا شرین بوو، و كوردی ئەو بوو نەیا ڤێگاڤێ، و دەمێ ئەم شكەستین ل ژیایێ زاوا ئەم هاتین بەرەف لیوایێ چول بوو و مامێ من نەعمو سەمەد توپ ئینان و دانا لیوایێ ب توپا و نەهێلا كەسەك سەرێ خوە راكەت ئێكی دگۆتنێ خورشید و گازی كر گەلی كوچەرا ئەز خارزایێ هەوە مە و من نەهێلن و ئەو یێ بریندار بوو ، و ئەم ماین هەتا تاریا مەغرب و هەتا وێگاڤێ نە ئاف نە خوارن ب دەڤێ مە نەكەفتی یە و ئەم یێ دمرین ژ تێنها و برسان دا و هەر وێ شەڤێ ئەم كەفیتنە شین و شێخ خدرا و ئم چووینە سەر كانیێ و سپێدێ ئێزدیان بوومە نان و ساڤار ئینا و بابەكر زێباری هاتەدەڤەرێ و گۆتن هەوە چەپەر بەردا مە گۆتێ تە چەپەر بەردا و تە گۆت دێ دەبابا كەمە چیایێ زاو دا و هێزا دەبابا و توپا و ڤێ مەزناهی یا لەشكرێ دوژمنی مە نینە و فەرمانا پێشمەرگەی راكر.
ڤی چەكێ پێشكەفتی و فرۆكێن دوژمنی ل هنداف سەرێ پێشمەرگەی و من گۆتێ ل گەل من وەرە بەلێ ب مەرجەكی هەمی بەرپرس ل گەل بن و نە زارۆكێن هەژار و دەست كورت و فەقیران بن گۆتی بلا و مە ئێڤاری نان خوار و ئەم ب هێسترا هاتین ئێڤاری و ئەز چووم من بەرێ خودا مالا محەمەد دەرگەهێ خانیێ ڤەكری بوو و من دەرگەهێ ڤەكر و من دیت ل بەرسكێ رازیە و دەمانجا ل بەر و دێربینا ب سینگی ڤە و من گۆتە بابەكر زێباری ئەڤە یە.
هەمان پێشمەرگەی گۆت: شەڤەكێ ئەم ل قەشەفرێ بووین كوپێ رەش و چەتە هاتن ب سەركەفتن و كەفتنە ناڤ ئالغاما و ئەم كەفتینە ناڤئێك و ئەم شیاین وی جهی كونترۆل بكەین ب دەمەكێ گەلەك كێم و سپێدێ من چەك و تشتێ خوە ل دەوارا كرن و ئەم دو شەڤان ماینە ل چیایی.
