تێكچوونا شۆڕشا ئیلۆنێ نەخۆشترین رۆژ بـوو دژیانا من دا
سێمێل: سالار محەمەد دۆسكی:
4-4
و گۆت سوباهی دێ چمە ناوپردان ل چومان هەر كەسەكێ دڤێت بلا بهێتەوێرێ و بارەگایێ سەركردایەتیێ ل وێرێ بوو و ئەف خەلكە هەمی چوونە وێرێ و ئەوژی ل گەل مامێ خوە نەعمو سەمەد چووینە وێرێ و مەلا مستەفا بارزانی هات و چوو سەر بەرەكی هەتا 20 هزار مرۆڤان كومبوون ل وێرێ و پێشمەرگەی و خەلكی وەكی بچوویكا دكرە گری و نال نالێن خەلكی بوون و رۆژەكا گەلەك نەخوش بوو رەش بوو د دیرۆكا ڤی مللەتی دا و گوتارەك پێشكێشكر و كەسەكی دەستێ خوە بلندكر و مەلا مستەفا بارزانی گۆتێ كەرەم بكە گۆتێ قوربان مە تێرا هەشت سالێن دی فیشەك و چەك هەنە و دێ شێین هەتا هەتا شەرێ حوكمەتا ئیراقێ كەین و مەلا مستەفا گۆت هەر كەسەكێ دڤێت بچیتە ئیراقێ چ گونەها وی نینە و كەسەك چ نابێژیتێ و هەر كەسەكێ ل ڤێرە ژی بیت ئەگەر نانەك ژی هەبیت ئەم دێ پێكڤە خوین و ئەم زڤرین ئەم چووینە سەر دەشتێ و ئەم ماوەكی ماینە ل وێرێ و مە خوە رادەستی حوكمەتا ئیرانێ كر، و ئەم نێزیكی سێ هەیڤان ماین و ئێكی دگۆتنێ سمایلێ محو گوندیێ مەبوو گۆت ئەڤێن ل ئیرانێ و خێزانێن وان ل ئیراقێ حوكمەتا ئیراقێ خێزانێن وان كرینە ترۆمبێلان دا و ڤەگوهاستنە ژێریا ئیراقێ و مامێ من نەعمو سەمەد بریارا زڤرینێ داب ۆ ئیراقێ و گۆت ئەم دێ زڤرینە ئیراقێ و بلا مە سێدارە بدە تبتنێ نامیسا مە نەچیت و ماتورەك بوومن گرت ب 10 دینارا و ل سوار بووم هەتا گەهشتمە سنورێ قەلادزێ و ئەم دەربازبووین و دەمێ مە چەكدارێن حوكمەتا ئیراقێ دیتن كولاڤ سورن هەما ئەم زوهابووین و روح چوو و قالب ما و ئەم هاتین و ئەم هاتین و مە خوە رادەست كر، وێ شەفێ ئەم مامینە ل وێرێ و راستی قەدرێ مە گەلەك گرت و ئەم ژێك جودا كرین دهۆك، سلێمانی، هەولێر و ئەم هەمی جودا بووین و ئەم برینە باژێرێ بەغدا ل ئەمنا گشتی یا حوكمەتا بەعس و گەلەك پێزانین ژ مە وەرگرتن و ئاخفتنێن كرێت و ئیهانە گەلەك هاتەكرن و گەلەك جهان ئەم ئیناینە خوارێ و فێنە بوومە گرتن و شەڤا، دوڤدا ئەم زڤراندینە كوردستانێ و دیسا هەر ئێك فرێكرە باژێرێ وی و ئەم ئیناینە ئەمنا دهۆكێ و درەنگی شەڤ بوو و چوومە مالا خویشكا خوە بەسێ و دەمێ خویشكا من ئەز دیتم كەفت و دلێ وێ خرابوو و رۆژا دی هاتمە سێمێلێ هاتم مال نەمایە و هەمی تشتێن چووین و حوكمەتێ چ نەهێلایە و خالێ من كەرەم گوڤەك پاقژ كریە و زارۆكێن من تێدانە و ل گەل هاتنا من و نەكێشا 20 خولەكا ئێكسەر بابێ من چوو بەر رەحما خودێ و بتنێ ئاخفتنا بابێ من ئەو بوو گۆتە من كا مامێ تە؟ گەلەك حەش نەعمو سەمەد كر من گۆتێ یێ دیف من رادهێت و ئەڤە بۆ دووماهی ئاخفتنا وی ل گەل من و رۆژا سیێ یا تازیێ مامێ من نەعمو سەمەد ژی هات و مالا خەزیرێ من شیف چێك روێ شەفێ ئەمنێ ئەم گرتین و برینە ئەمنێ، و دوڤدا ئەم ئازادكرین و پشتی ماوەكی ئەم ماین فەرمانا من دەركەفت بچمە رومادی نەفیێ و ئێكی دگۆتنێ جەمولی عەرەب بوو وئەوی فەرمانا چوونا من هەلوەشاندن و بەلێ مامێ من نەعمو سەمەد فەرمانا چوونا وی بۆ نەفیێ دەركەفت و چوو و ئەز ل گەل وچووم و نێزیكی 10 رۆژا مامە ل گەل و سالەك و 700 هەیڤا ئەو ما ل نەفیێ و سەبرا من بێی وی نەدهات و شەڤەكێ هاتنە دوڤرا و برە ئەمن ل عامە و كرە گری و گۆت ئەف جارە ئەز چووم و پشتی بریە ئەمن ل عامە دو مرۆڤ هاتن و ل گەل رونشتنە خوارێ و چەند پرسیار ژێ كرن و دوڤدا حەفت عەردان ڤەگوهاستن بۆ جهەكێ دی هەتا بریە دەف كەسەكی ل دووماهیێ و گۆت من هەست پێ كر ئەڤە مرۆڤێ ژ هەمیان مەزنترە و خودان دەست هەت و بریاردەرێ ڤێرە یە و گۆت جگارەك دامن و گۆتێ تو عەرەبییێ دزانی؟ گۆت عرەبیا چ بەلكو كوردی ل بەر مە بەرزەبوو و گەلەك پرسیار ژێ كرن، دوڤدا گۆتێ من دڤێت بهێمە باژێری دا گۆت ئەڤە كاغەزەك بووتە بۆ پارێزگەری بووتە مووچەكی چێكەت و تە بینتە ناڤ باژێری ژی و كرە چاڤدێرێ رێك و پرا نبتنێ دا مووچەك بۆ بهێتە تەرخانكرن، و بێ دەوامكرن و هندەك قەرەم مە دیی و پرەك هەبوو مە ئەو قەرەم برە وێرێ و مە كرە چەیخانە و سپێدێ هەتا مەغرەب دا ل بەر چەیخانێ كاركەین، و دوڤدا ڤەگەرینە مالێن خوە و دوڤدا ئەم زڤراندینە ڤە.
هەمان پێشمەرگەیێ شۆرشا ئیلونێ بەحسێ نەخوشترین رۆژێن ژیانا خوە دكەت و گۆت: نەخوشرتین رۆژا ژیانا من دەمێ شۆڕشا ئیلۆنێ تێكچووی و كاودانێن خەلكێ مە گەلەك بەرتەنگ و نەخوش بووین و خەلكێ مە مە ب چاڤ دیت وەكی زارۆكان كرنە گری و ئەو هیڤی ئومێدێن ب دەهان سالان سینگێ خوە دا مەزنكرین و ئەو هیڤی وئومێن نەماین و ژیان و ماندیبوونا مە هەمی تێكچوو، بەلێ هەر دیسا مە هیڤی هەبوون دێ شورەشا كوردی شین بیتە ڤە و دێ هەر رۆژەك هێت دێ كورد رابنە سەر پێن خوە و دێ مللەتێ كورد داخازا مافێن خوە كەت.
هەمان پێشمەرگە گوت: ل سەرهلدانا سالا 1991 من پشكداری تێدا كریە و هاریكارێ مامێ خوە بووم و سپێدا سەرهلدانێ ئەم ل سێمێلێ بووین و ئەم چووینە ئەمنێ و نەمابوونە تێدا و بارەگایێ خالی بوو و شەر ل بارەگایێ حزبا بەعس دروست بوو و مە دەردورێن بارەگایی گرتن و مە نەهێلا كەسەك قورتالبیت و مە دەردورێن بارەگایی هەمی گرتن و مە لێدا ژ هەمی ئالیان ڤە و سەرهلدانێ كەسێ چنەكریە بۆ مێژوو دێ بێژم سەرهلدان براهیمێ عەلی كریە.
هەمان پێشمەرگەی زێدەتر ژی گۆت: سەرهلدانێ شەرێ فەیدیێ ژی پشكدار ب بووم و هەتا ئەم ژ سایلویێ ژی دەرباز ب بووین و ئەو كەسێن شەهید بووین، مامێ من پێشتر گۆت مام ئەڤە هەمی دێ هێنە كوشتن چونكە خشیم بوون و ئەم پێشمەرگە شەرەزا بووین، و هەتا كەرانێ چووین و سریەكا چەكدارێن حوكمەتێ دناڤبەرا هەر دو جادا بوو و دەبابە ل گەل بوون و مە نەهاڤێتێ .
ل دووماهیێ هەمان پێشمەرگەی دیاركر: سەركردایەتیا كورد سەركردایەتی یا مەیە و ئەم خیانەتێ لێ ناكەین و سوپاس بۆ خودێ زارۆكێن من جهێ من گرتینە و ئەو ژی ب رەگەكێ دی خزمەت و خەباتێ بۆ مللەتێ خوە دكەن و گەلەك كەیفا من دهێت و ژ بابێ خوە زێدەكرینە و ئەم سەربلندین و مە چ كارێن نەباش و خراب نەكرینە و ئەڤە جهێ سەرفەرازیێ یە.