حه‌یده‌ر شه‌شۆ دێ هێته دادگه‌هـ كرن
ئه‌ڤرۆ نیۆز، قائید میرۆ
جێگرێ سه‌رۆكێ لیژنا ناڤخۆ یا په‌رله‌مانێ كوردستانێ ته‌كه‌ست كر، پێك ئینانا هێزه‌كا میلیشیا ژلایێ حه‌یده‌ر شه‌شۆ نه قانوونی یه و دێ هێته دادگه‌هكرن.
نازم هه‌ركی، جێگری سه‌رۆك لیژنا نافخۆیا په‌رله‌مانێ كوردستانێ بو ئه‌ڤرۆ نیۆز راگه‌هاند” ل گوره‌ی قانوون و رێنمایێن وه‌زاره‌تا پێشمه‌رگه‌ی پێك ئینانا هه‌ر هێزه‌كێ ل ده‌رڤه‌ی وه‌زاره‌تا پێشمه‌رگه‌ی قه‌ده‌غه‌یه و به‌رۆڤاژی قانوونێ یه، له‌وڕا گرتنا حه‌یده‌ر شه‌شۆ فه‌رماندێ هێزا پاراستنا شنگالێ ل گوره‌ی ئه‌ڤێ قانوونێ بۆیه و به‌ری نوكه‌ژی مه وه‌كی په‌رله‌مان سه‌ره‌دانا شنگالێ كریه و براده‌رێن ئێكه‌تیێ دگه‌ل شاندێ په‌رله‌مانی بووینه و هه‌موو پێكڤه هه‌ڤڕابووینه نابیت حه‌شد شه‌عبی ل ڤێ ده‌ڤه‌رێ بهێته پێك ئینان.
نازمی گۆتژی” ل گوره‌ی رێكه‌فتنا هه‌رێم و به‌غداژی پێك ئینانا هه‌ر هێزه‌كێ ل ده‌ڤه‌رێن كوردستانی یێن دكه‌ڤنه سنورێ ماددێ 140 پێدڤیه هه‌مانگیا هه‌ردولایا بیت، نه‌ك حه‌یده‌ر شه‌شۆ و هه‌ركه‌سه‌كێ بڤێت هێزه‌كا نه‌قانوونی چێكه‌ت.
