حەزا من بۆ كاری پتر ئەز هاندایمە كو داهێنانێ بكەم
سندس سالح سلێڤانەیی
شێوەكار(زەهرا مەحموود) د دیدارەكێ دا بۆ رۆژنامەیا ئەڤرۆ گۆت: دەمێ ئەز ل رۆژهەلاتێ كوردستانێ حەزا كاركرنا دبۆارێ هونەری دا، ب تایبەتی چێكرنا نەخشە و وێنەبیان ل سەر دێمێ زارۆكان، هەروەسا هندەك كارێن دەستڕەنگینی ل دەف من هەبوو، ل وێرێ د بەرخواندنا خۆ را من خۆ فێر و پشتی ئەم هاتینە هەولێرێ ل ڤیرە من باوەرنامەیا (بەكالۆریۆسێ) وەرگرت، هەروەسا بەردەوامی ب حەزا خۆ یا هونەری ژی دا و ئەڤە دەه سال پترن ل هەولێرێ نەخشە و وێنەیان ل سەر سەروچاڤ و دێمێ زارۆكان چێدكەم و د هەلكەفتنان دا كارێ من زۆر دبیت و پتر داخوازیا زاڕۆكان ل سەر هەیە و ئەز گەلەك كەیفخۆش دبم دەمێ دبینم كەیفا زاڕۆكان ب كارێ من دهێت.
هەروەسا گۆت: ڤی كاری داهاتەك بۆ من ژێ دهێت، هەروەسا ئەز ژبێكاریێ ژی دۆر خستیمە، لەورا داخوازا من ژ هەر كچ و ژنەكێ ئەوە هەكە ئارەزوویەك یان بەهرەیەك هەبیت بلا بهێت كاربكەت و هەكە ل دەستپێكێ ئاستەنگ ژی هەبن هێدی هێدی ئەو ژی نامینن و دێ ب سەركەڤن، بۆ زانین من هونەر من ب شێوەیەكێ ئەكادیمی نەخواندیە، لێ حەزا من بۆ كاری پتر ئەز هاندایمە كو یا بەردەوامبم، هەروەسا داهێنانێ ژی بكەم.
