خانا (حه‌سه‌ن پاشا) به‌ری بۆیه‌رێن ئامه‌دێ چ جوداهی هه‌یه؟
نزار مه‌جید
ل ده‌ستپێكا بۆیه‌رێن (9/8/2015) ل باكۆر ب گشتی و ل ئامه‌دێ ب تایبه‌تی، ده‌ما شه‌ڕێ كۆلانان د ناڤبه‌را په‌كه‌كێ و توركیا دا ڕوودایی، خانا حه‌سه‌ن پاشایی ب چ ڕه‌نگ بوو؟
هنده‌ك دبێژن شه‌ڕه‌كێ دروستكری یێ توركیا بوو كریه بهانه بۆ ده‌رخستنا په‌كه‌كێ و ده‌سته‌سه‌ركرن و تاوانباركرنا وان، ئه‌ڤجا چ ڕاست یان نه وێ ژبیر بكن دێ بتنێ راستیا پشكه‌كا بچویك یێ ڤێ خانا حه‌سه‌ن پاشایی ل ئامه‌دێ بۆ خوانده‌ڤانا دیاركم، به‌ری بۆیه‌رێن شه‌ڕێ كولانا ل باكۆر ئه‌ڤ جهه چاوا بوو، هه‌ركه‌سه‌كێ هاتبا ل ڤێرێ (قه‌هوه‌ك ـ چایه‌ك ـ خوارنه‌ك) خواربا یان ڤه‌خواربا یان ل ژڤانه‌كێ بایه یان بۆ ده‌مبۆراندنێ ڕوونشتبایه چه‌ند كه‌سێن ده‌ست نیشانكری ل دۆرێن ته داڕوینن خار نانێ (سیخوریێ) چاڤ شۆریێ دخوارن، هه‌لبه‌ت هه‌رئه‌و كه‌سه كوردبوون ل هه‌ردو سه‌ران دژیان، ئانكو هه‌كه تو ب تنێ بایی چاڤدێریا ته‌كرن هه‌كه تو هه‌ڤاله‌ك یان كۆمه‌كا هه‌ڤالان بان ل خانێ ڕوونشتبان دا گوهداریا ته‌كن كا تو دگه‌ل هه‌ڤالێن خوه ژ كیژان ڕه‌ڤێ یان كیژان ئالیگرێ؟ هه‌كه ته ب خرابی به‌حسێ په‌كه‌كێ یان حوكمه‌تا توركیا كربا چ جوداهی نه‌بوو، ئانكو تو ب سلامه‌تی ژ خانێ ده‌ربازنه‌دبوویی، ئانكو هه‌تا په‌یڤینا ته چ ب كوردی یان ژی توركی ل سه‌رته گران راوده‌ستیا، دبت ب ده‌هان مالبات و گه‌نج و پیروكال یێن بووینه قوربانی ڤێ خانا (حه‌سه‌ن پاشایی) چ گرتن و زیندانكرن هه‌تا گه‌هه‌شتیه ڕاده‌یێ سێدارێ ژی، لێ پشتی بۆیه‌رێن باكۆر ئێدی خه‌لك ب گشتی ل باكۆر تێگه‌هشتیه كو چه‌ند ژبێ به‌ختی هاتینه ئه‌شكه‌نجه‌دان و بنچاڤكرن، ب تایبه‌ت ل سه‌رده‌ستێ ژ ئالیگر و رێخستیێن په‌كه‌كێ ئێدی ژیان هاتیه گوهارتن ل خانا (حه‌سه‌ن پاشایی) ئێدی نه مالا خرابكارایه، هه‌ركه‌س ب ئازادی و چ سحبه‌ت و چ زمان بپه‌یڤن ژی ئازادن، ئانكو جوداهیا د ناڤبه‌را سالێن (2015ـ 2022) ئه‌رد و ئاسمان جودابوویه و ئامه‌دا نوكه ژی و خه‌لكێ وێژی هاتیه گوهۆرین ب ڤێ چه‌ندێ ئه‌ز گه‌شبینم و گه‌هه‌شتمه وێ باوه‌رێ هه‌رجهێ ڕێخسته‌كێ په‌كه‌كێ ل وێرێ بیت مالخرابكرنه‌ك دێ ڕوودت و جهێ لێ نه‌بن ژی ئه‌و مالا یان ئه‌و جهه ته‌نایه.
٭تێبینی: وێنه ل خانا حه‌سه‌ن پاشا
ڕێكه‌فتی (10/7/2022)
