خەندەکەکا پاراستنێ ل دۆر شنگالێ دھێتە کۆلان
ئەڤرۆ نيوز:
بەرپرسێ پشکا ڕاگەھاندنێ ل رێڤەبەریا گشتی یا رێک و پران ل دھۆکێ بۆ ئەڤرۆ دیار کر، تیمێن رێڤەبەریا گشتی یا رێک و پران دەست ب ڤەکرن رێیێن سەرەکی و چێکرنا سەنگەران کریە بۆ ھێزێن پێشمەرگەی.
نەوزاد محەمەد سالح، بەرپرسێ پشکا ڕاگەھاندنێ ل رێڤەبەریا گشتی یا رێک و پران ل دھۆکێ ئاشکرا کر، تیمێن وان ل گەل ئۆپراسیونا رزگارکرنا شنگالێ پشکداربوون و ھاریکاریا ھێزێن پێشمەرگەی دکرن بۆ ڤەکرن و دروستکرنا رێیێن سەرەکی و گۆت: “تیرۆرستێن داعش ژ ترسێن پێشمەرگەی دا گەلەک رێیێن سەرەکی گرتبوون و گەلەک قەسیسە پەقاندبوون”.
نەوزاد خویا ژی کر، تیمێن رێڤەبەریا گشتی یا رێک و پران ب شەفەر و ئامیرێن دی ڤە ل گەل ھێزێن پێشمەرگەی ل شنگالێ د بەرھەڤن و ل بەرۆکێن شەری سەنگەر و رەبیان بۆ ھێزێن پێشمەرگەی دروست دکەن و گۆت: “نوکە ئەم یێ خەندەکەکا پاراستنێ ل دۆر شنگالێ دکۆلین”.
