داخوازی ل ساخلەمیا دهۆکێ دهێتەکرن کو دهەوارا 700 توشبویێن ئەڤان کەمپان بچن
ئەڤرو نیوز ، نەوزاد هلوری:
ژ ئەگەرا دابەشکرنا خوارنەکا نە ساخلەم نێزیکێ 700 کەسان ل کەمپێن خازر و حەسەن شام توشی ژەهرای بوون و دوو کەسان ژی گیانێ خوە ژدەستدا.
ل گورەی زانیاریێن ئەڤرو نیوز ئەو خوارنا ئەڤرو لسەر هەردوو کەمپێن خازر و حەسەن شام هاتیە دابەشکرن ژلایێ رێکخراوەکا بیانی بوویە کو یاوەلاتێ قەتەرێ بوویە و نێزیکێ پێنج هزار کەسان ئەو خوارن خوارینە.
هەر ل گورەی زانیاریان نێزیکێ 700 کەس ژەهراوی بوینە و دوو کەسان ژی گیانێ خوە ژ دەستدایە ، تیمەکا ساخلەمیێ گەهشتیە هەردوو کەمپان و چارەسەریا توشبوویان دکەن ، و پشکەک ژی یا نەخوشان بو نەخوشخانەیێن هەولێرێ هاتینە رەوانەکرن ، و داخوازی ل ساخلەمیا دهۆکێ هاتیەکرن کو دهەوارا توشبویان بچن.
