داخوازی پتر ل سەر گولێن سروشتی هەیە
سندس سالح سلێڤانەیی
شێوەكار و گۆلفرۆش (دێژین لوقمان) د دیدارەكێ دا بۆ رۆژنامەیا ئەڤرۆ گۆت: ئەز ل جهێ خۆ دو كاران پێكڤە دكەم (چێكرنا كەڤالان) چنكو ئەز دەرچۆیا پشكا شێوەكاری مە ل پەیمانگەها هونەرێن جوان ل دهۆكێ، یا دویێ ژی (گۆلفرۆشی) و ئەز ب هەردو كارا یا دلخۆش و ئارامم، چنكو شێوەكاری و گۆلفرۆشی دو كارێن نێزیكی ئێكن.
سەبارەت فرۆتنا كەڤالان ئەز ل دووف داخوازیان كاردكەم و خەلكەك پەیوەندیێ ب من دكەن و پتریا وان داخوزا دكەن وێنەیێن وان یێن كەسۆكی (پۆرترێت) چێكەم و هندەك ژی داخوزا چێكرنا كەڤالێن سروشتی دكەن، ئەز بۆ وان چێدكەم و دفرۆشمێ، سەبارەت گولان ژی گول بۆمە ژدەرڤەی وەلاتی دهێن ئەم ل ڤێرە لێككدەین و دفرۆشینە خەلكەكی، هەلبەت بۆ رۆژبوون و دەرچوون و شەهیان و هندەك هەلكەفتێن دی دهێنە كڕین، هەروەسا مە گولێن خۆمالی ژی هەنە ل دووف وەرزێن سالێ، زێدەباری وێ چەندێ مە گولێن دەستكرد ژی هەنە، لێ پتر داخوازی ل سەر گولێن سروشتی هەنە.
