داخۆيانيا حوكمه‌تێ ل سه‌ر وان پانزينخانێن ئه‌رزانتر پانزينێ د فرۆشن
ئه‌ڤرۆ نيوز:
ئاخفتنكه‌رێ ب ناڤێ حوكمه‌تا هه‌رێما كوردستانێ رادگه‌هينيت كو مفايێ هه‌ر پانزينخانه‌كێ زێده‌تره ژ 15% و د ئازادان ژى بهايێ په‌نزينێ كێمتر لێ بكه‌ن ژ وى نرخێ بۆ وان هاتيه دياركرن.
سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ د داخۆيانيه‌كێ دا راگه‌هاند كو ئه‌و كه‌سێن بهايێ په‌نزينێ كێمتر لێ دكه‌ين مفايێ خوه هه‌ر دبينن، بازار ژى يا ئازاده، هه‌ر پانزينخانه‌ك يا ئازاده چ بها بدانيت، به‌لێ دڤێت زێده‌تر نه‌بيت ژ ئه‌و بهايێ حوكمه‌تێ ده‌ستنيشانكرى.
ئاماژه ب وێ چه‌ندێ ژى كر كو پانزيخانه زێده‌ترى 15% ژ ئه‌و بهايێ هاتيه ده‌ستنيشانكرن مفايى دبينن و هه‌كه كێمتر ژى ژ 700 ديناران بفرۆشن دێ هه‌ر مفا گه‌هيته وان پانزينخانان، به‌لێ دێ كێمتر بيت ژ پانزينخانێن دى.
پشتى حوكمه‌تا هه‌رێما كورستانێ بهايێ پانزينێ ژ 900 ديناران كريه 700 دينار، هنده‌ك پانزيخانان بهايێ پانزينا خوه هێشتا كێمتر لێ كريه ب ره‌نگه‌كى كو 650 يان 675 ديناران دفرۆشن.
