جه‌بار ياوه‌ر: چو يه‌كێن له‌شكرى يێن عه‌ره‌بان د ناڤ هێزێن پێشمه‌رگه‌ى دا نينن
ئه‌ڤرۆ نيوز:
ئه‌ميندارێ گشتى يێ وه‌زاره‌تا پێشمه‌رگه‌ى ل حوكمه‌تا هه‌رێما كوردستانێ جه‌بار ياوه‌ر ره‌تكر كو چو يه‌كێن له‌شكرى يێن عه‌ره‌بى د چارچۆڤێ هێزێن پێشمه‌رگه‌ى دا هاتنه دروستكرن.
جه‌بار ياوه‌ر گۆت: “وه‌زاره‌تا نوكه نه‌شێت كاره‌كێ ژ وى ره‌نگى ئه‌نجام بده‌ت ژ به‌ر ره‌وشا دارايى”.
سه‌رۆك عه‌شيره‌تێن عه‌ره‌بى به‌حس ل دامه‌زراندنا يه‌كه‌يه‌كا له‌شكرى يا عه‌ره‌بى د ناڤ هێزێن پێشمه‌رگه‌يێ كوردستانێ دا دكر كو ل به‌ره بهێته به‌رهه‌ڤكرن.
ئه‌ميندارێ گشتى يێ وزاره‌تا پێشمه‌رگه‌ى ته‌كست ل سه‌ر وێ چه‌ندێ كر كو چو يه‌كێن له‌شكرى يێن عه‌ره‌بى د ناڤ هێزێن پێشمه‌رگێ كوردستانێ دا نينن و ئه‌و ده‌نگوباسێن ژ وى ره‌نگى ب “بێ بنه‌ما” وه‌سف كرن.
