داعش ب ھەڤکاری ل گەل عەرەبێن شوفێنی گەفێن چولکرنا دەڤەرێن کوردان دکەن
ئەڤرۆ نیوز، بارزان مزووری:
ئیدریس حاجی، بەرپرسێ کومیتەیا داقوق یا ئێکەتی نیشتیمانی کوردستان بۆ ئەڤرۆ نیوز ئاشکرا کر کو رێکخراوا تیرۆرستی یا داعش دەست ب رەڤاندنا وەلاتیێن کورد کریە ل سنورێ وان دەڤەرێن کوردنشین تایبەت ب وان دەڤەرێن کاکەیی، بەلێ بنەجە ھەتا نھا ژمارا وان کەسێن ھاتینە رەڤاندن گەھشتیە 30 کەسێن کورد بەرامبەری ئازادکرنا وان داخواز ب کوژمەکێ مەزن یێ پارەیی دکەن ئێک ژ وان ئاغایێن کاکەیی یا ب ناڤێ فەرھاد ئاغا کو بەرامبەر بەردانا وی ل دووڤ پێزانینا کو داخوازا 25 دەفتەرێن دولاری کریە.
ناڤبری خویا کر کو داعش ھەماھەنگیەک ل گەل وان عەرەبێن شوفینی یێن ئیدارا کەرکووک یا ھەیی کو کوردان ل وان دەڤەران ناچار دکەن دەڤەرێن خوە بھێلن ئەو عەرەب ل سەر وان جھێن کوردا بنەجە بن، د ماوێ حەفتیەکێ دا 50 خێزانێن کورد یێن رەسەن یێن وان دەڤەرا مالێن خوە بجە ھێلاینە ژ ترسێن وان گرۆپێن سەر ب داعش ڤە ئەوێن وەلاتیێن کورد د رەڤینن.
ژ لایەکێ دی ڤە لیزا فەلەکەدین کاکەیی، چالاکڤان و نڤیسەر کاکەیی بۆ ئەڤرۆ نیوز دیار کر کو د ماوەیەکێ کێم دا دو کەسێن کاکەیی ب شێوەیەکێ ھوڤانە کوشتن و ھاتبوونە وێنەکرن ژ لایێ وان گرۆپێن ل دەڤەرێ ھەین د نھا دا ژی ئێک ژ کەساتیێن مەزن یێن کاکەیی یان ب ناڤێ “فەرھاد ئاغا” یێ بێ سەروشوونە ھەتا نھا ژی حوکمەتا عیراقێ نەھاتیە دەنگ بەرامبەری وان کریارێن ھوڤانە.
