ده‌نگۆيه‌كێ نه‌خۆش ل دۆر ده‌ست ب كاربوونا په‌رله‌مانێ كوردستانێ
ئه‌ڤرۆ نيوز:
ئەندامێ پەرلەمانێ کوردستانێ، ژ فراکسیۆنا پارتی دیموکراتی کوردستان د. عبداللە جاسم بۆ ئەڤرۆ دیارکرکو دووڤ بارودۆخی نوکە ئەز باوەرناکەم ل ھەیڤا 12 روونشتنەکا پەرلەمانی بھێتە ئەنجامدان وھەکە ل ڤێ ھەیڤێ چو روونشتن نە ھاتنە کرن دێ ھەیڤا ئێک و دو ژ سالا بھێت ب فەرمی دێ بێھنڤەدانا پەرلەمانێ کوردستانێ دەست پێ کەت، لدووڤ پرۆگرامێ نافخۆیی یێ پەرلەمانی ئەم نەشین بھنڤەدانی کێم بکەین، زێدەتر ژ ھەیڤەکێ ئەوژی ھەکە بھێتە کرن، پێدڤیە پەرلەمان روونشتنەکێ ئەنجام بدەت بۆ کێمکرنا بێھنڤەدانێ دێ دەنگدان ل سەر ھێتە کرن.
د. عبداللە جاسم ئەندامێ پەرلەمانێ کوردستانێ و فراکسیۆنا پارتی دیموکراتی کوردستان دیارکرکو پشتی ل ڤێ دووماھیێ یوسف مەحمەد سەرەدانا وەلاتێ ئورۆپا کری وھندەک داخۆیانیی داینە دەزگەھێن راگەھاندنێ وەکو مە گوھلێبووی ل دژی شێوازێ حوکمرانیێ ل ھەرێما کوردستانێ و پێشمەرگەی وگەلەک برداران وسا دیتیە ئەڤە بزمارا دووماھیێ یە یوسف مەحمەد ل سندریکا خوە دای، ئەز باوەرناکەم پشتی ڤان کاودانان وئەو ئەزمانێ توند یێ یوسف مەحمەد پێ ئاخفتی ئەم ل کوردستانێ بشێین جارەکا دی ل گەل وی ل ناڤ ھۆلا پەرلەمانێ کوردستانێ روونین وروونشتنەکا نوو یا پەرلەمانی ل گەل یوسف مەحمەد بھێتە کرن ئەڤ یا ب زەحمەتە بھێتە کرن.
ناڤبری ئەوژی دیارکرکو پێدڤیە دەستەیەکا نوو بۆ پەرلەمانی بھێتە ھەلبژارتن ئەوژی ب ھەماھەنگی و توافقا سیاسی بیت ل ھەرێما کوردستانێ بۆ دانانا سەرۆکێ نوو یێ پەرلەمانی و جێگر و سکرتیری، ئەڤە ژێ پیدڤی ب دانوستاندنێن زۆر ھەیە د ناڤبەرا لایەنێن سیاسی دا ل ھەرێما کوردستانێ ئەڤە ژێ دێ ڤەکێشت.
د. عبداللە جاسم ئاماژە دا وێ چەندێ کو د باوەریا مندا نینە سالا بھێت ژێ ھەتا 1/3/2016 پەرلەمانێ کوردستانێ روونشتنەکێ ئەنجام بدەت، د ھەیڤا سێ ژێ دا بێھنڤەدان تایبەتە کو بێھنڤەدانا نەوروزی یە ئانکو ئەو ھەیڤ ژێ دێ بۆریت بێی ئەنجامدانا چو کومبوونان.
ئەندامی پەرلەمانێ کوردستانێ گۆت ژی دانانا سەرۆکەکێ نوو بۆ پەرلەمانی ژی دێ ھەموو سازان و ھەڤسەنگێن سیاسی بخوەڤە گریت، ل سەر ئاستێ مەکتبێن سیاسی یێن لئالیێن سیاسی ل ھەرێما کوردستانێ کا دێ بۆ کیش فراکسیۆنی بیت وچەوا دێ ھێتە دابەشکرن، ئەز باوەرناکەم فراکسیۆن بخوە بشێن ھەولەکا وەسا بدەن چونکو مەکتبێن سیاسێ دێ ڤی کاری ئەنجامدەن.
