دو پەقینان عەفرین هەژاند
ئەڤرۆ نیوز:
دلاوەر فەرهاد چالاکڤانێ سڤیل یێ رۆژئاڤایێ کوردستانێ ژ باژێرێ عەمودێ راگەهاند کو ئەڤرۆ ژ ئەنجاما دو پەقینان ل ناڤەندا باژێرێ عەفرینێ پتر ژ ١٠ چەکدارێن سەر ب تورکیا هاتینە کوشتن و گەلەک کەس ژی بریندار بووینە و گۆت: (چەندین گرۆپ بۆ ئازادکرنا عەفرینێ شەری دکەن و دەمەکە چالاکیان دکەن و ئەڤرۆکە ژی ل دو جهان ب رێیا ترمبێلێن بۆمبەکری دو چالاکی ئەنجام داینە و پتر ژ ١٠ چەکدارێن نێزیکی تورکیا هاتینە کوشتن و گەلەک کەس ژی بریندار بووینە).
ل ئالیێ دی ئاژانسا سپۆتینگ یا روسی ژی راگەهاند کو پرانیا کەسێن هاتینە کوشتن و بریندارکرن چەکدارێن نێزیکی تورکیا بووینە و چو کەسێن مەدەنی نەبووینە ئارمانجا هەر دو پەقینان.
