دەرگەھێ ئیبراھیم خەلیل ب رۆژ دێ یێ ڤەکری بیت
ئەڤرۆ نيوز:
قایمقامێ قەزا زاخۆ راگەھاند کو دەرگەھێ نێڤدەولەتیێ ئیبراھیم خەلیل ژ دەمژمێر ٦ سپێدێ ھەتا ٧ ئێڤاری دێ یێ ڤەکری بیت و ب شەڤ دێ یێ گرتی بیت.
خەلیل مەحموود بۆ مالپەرێ فەرمی یێ پارتی دیار کر کو دەرگەھێ نێڤدەولەتیێ ئیبراھیم خەلیل ژ لایێ تورکیا ڤە دھێتە داخستن و ڤەکرن و ئەو بڕیارا ڤێ چەندێ ددەن و حوکمەتا ھەرێما کوردستانێ چو پەیوەندی پێڤە نینە.
دو رۆژە دەرگەھێ سنووری یێ نێڤدەولەتیێ ئیبراھیم خەلیل ژ بەر وان ئالۆزیێن ل سلوپیا و جزیرێ د ناڤبەرا تورکیا و PKK دا پەیدا بوویە ھاتیە گرتن و دوھی وەک نەرازیبوون ل ھەمبەر ڤێ چەندێ شۆفێر و وەلاتیێن باکوورێ کوردستانێ خوەنیشادان ئەنجامدا.
