راستیێن دیاردا سروشتی یا ئه‌ڤرۆ بزانه
ئه‌ڤرۆ نیوز:
دیارده‌كا سروشتی ئه‌ڤرۆ دێ ل ئه‌سمانێ هه‌رێما كوردستانێ هێته دیتن كو هه‌یڤ ب ره‌نگه‌كێ جیاواز و مه‌زنتر هێته دیتن لێ ب هه‌ڤبه‌ركرن د گه‌ل وه‌لاتێن دی دێ كێمتر ل هه‌رێمێ هێته دیتن.
ئه‌ڤ دیارده ب هه‌یڤا تژی یان ژی هه‌یڤا خوینین و شین یا تژی یان هه‌یڤغه‌یرین دهێته نیاسین.
تشتێ جیاواز یێ ڤێ هه‌یڤغه‌یرینێ ئه‌وه كو غه‌یرین و مه‌زنبوونا هه‌یڤێ دێ هه‌ڤده‌م بیت و بتنێ به‌ری 55 سالان دیارده‌كا ب ڤی ره‌نگی چێببوو.
هه‌یڤ دێ 13% مه‌زنتر و 30% گه‌شتر هێته دیتن.
به‌روڤاژی رۆژغه‌یرینێ چ زیان تێدا نینه كو بچاڤان بێ به‌رچاڤك و تیشك ل ڤێ دیاردێ بهێته نێرین.
ده‌مژمێر 07:04 ێ ئێڤاری دێ ده‌ست پێ كه‌ت و 08:11 دێ غه‌یرینا نیڤنیڤه بداوی هێت، دیمه‌نێ گه‌له‌ك سه‌رنج راكێش دێ سێ خۆله‌كان به‌رده‌وام بیت ژ ده‌مژمێر 07:04.
ب كورتی پرۆسه دێ نێزیكی دو ده‌مژێران ڤه‌كێشیت لێ پرۆسا دیتنێ ب رۆن و جوانی دێ سێ خۆله‌ك بن.
هه‌یڤا تژی (سوپه‌رموون) چیه؟
هه‌یڤا نوو و ته‌مامبوویی یه كو هه‌ڤده‌مه د گه‌ل نێزیكبوونا هه‌یڤێ بۆ ئه‌ردی نێزیكترین ئاستێ وێ له‌ورا ئه‌م دێ ب قه‌باره‌كێ مه‌زنتر بینین ڤێ جارێ هه‌ڤده‌مه د گه‌ل بلوموون و غه‌یرینێ.
غه‌یرینا ته‌مام یا هه‌یڤێ یا ناسیار ب بلاد موون چیه؟
ده‌مێ هه‌یڤ راسته‌راست ل پشت سیبه‌را ئه‌ردی دزڤریت و نه‌شێت چ روناهیێ ژ رۆژێ وه‌رگریت.
