رۆهنكرنه‌ك ژ نڤیسینگه‌ها رۆژنامه‌ڤانی یا فازل میرانی
ئه‌ڤرۆ نیوز:
نڤیسینگه‌ها رۆژنامه‌ڤانی یا سكرتێرێ مه‌كته‌با سیاسی یا پارتی دیمۆكراتی كوردستان، ل دۆر چاڤپێكه‌فتنا فازل میرانی ل پشكا كوردی یا ده‌نگێ ئه‌مریكا رۆهنكرنه‌كێ به‌لاڤ دكه‌ت.
د رۆهنكرنێ دا هاتیه” ب مخابنی ڤه د چاڤپێكه‌فتنا سكرتێرێ مه‌كته‌با سیاسی یا پارتی ل گه‌ل ده‌نگێ ئه‌مریكا پشكا كورد دا، وه‌سا هاتیه كو گۆتیه جه‌نابێ نێچیرڤان بارزانی نیڤه‌ك یێ پارتی یه و نیڤا دی یێ كوردانه، لێ كاك قوباد تاله‌بانی نیڤه‌ك یێ ئێكه‌تیێ یه و نیڤا دی یێ پارتی یه”.
نڤیسینگه‌ها رۆژنامه‌ڤانی یا سكرتێرێ مه‌كته‌با سیاسی یێ پارتی ئاماژه ب وێ یه‌كێ ژی دایه، كو د راستی دا مه‌ره‌ما كاك فازل میرانی ئه‌و بوویه كو هه‌دو به‌رێز ب تنێ یێن حزبێن خوه نینن، به‌لكو یێن كورد و كوردستانێ نه، بۆ وێ چه‌ندێ نه‌حه‌ز، ب شاشی ته‌فسیر نه‌كه‌ن، مه ب پێدڤی زانی ڤێ راستڤه‌كرنێ بده‌ین.
