رەوشا كەركوكێ وه‌كو بومبەكا تەوقیت كریە
ئەڤرۆ نیوز، بارزان مزووری:
لیزا فەلەكەدین كاكەيی، نڤیسەرۆ چالاكڤانا كاكەيی ئاشكرا كر كو رۆژ بۆ رۆژێ رەوشا ئەمنی یا كەركوك بەرەڤ خرابیێ دچیت وگرۆپێن جودا بەردەوام یێن خەلكی د رەڤینن ودژی مانا خەلكێ كوردن دناڤ باژێری دا و بەردەوام د هەولێن گەفان دانە دگەل خەلكێ كورد،
ليزايێ گۆت ژى، ژبەر خرابیا رەوشا ئەمنی كو ڤالاهيه‌كا خراپ یا ئەمنی یا كەفتیە دباژێری دا، خەلك یێ نه‌چاردبیت كوچ بكەن بۆ باژێرێن هەرێما كوردستانێ وهه‌تا نها ژی حوكمەتا عێراقێ نەهاتیە دەنگ ل سەر ڤێ رەوشا نها یا كەركوك تێدا دبۆريت و حوكمەتا عێراقێ ب تنێ تەماشەڤانێ وێ رەوشێ یە .
لیزا فەلەكەدین كاكەيی ئاشكرا كر كو ل بەرامبەری داخازیێن كوردێن كەركوكێ كو پێشمەرگە ڤەگەرێتە كەركوكێ بۆ باشتركرنا رەوشا ئەمنی ئەنجومەنێ عەرەبێن كەركوكێ دژی ڤەگەریانا پێشمەرگەی و ئاسایشێ یە ،
ناڤهاتی خویاكركو رەوشا كەركوكێ هاوشێوێ بومبەكا تەوقیت كریە، بەلێ پیچەك یا مای ب تەقیت و هەڤپەیمانێن 16 ئوكتوبەرێ ب شێوەیەكێ ئاسایی رۆژێن خوه د بۆرینن .