رەیان پێدڤی ب پشتەڤانیێ یە
سندس سالح سلێڤانەیی
رەیان خانمەكا خەلكا دەڤەرا شێروانە، لێ ئەو ب خۆ ل هەولێرێ دژیت و دەمەكێ كورتە دەست ب سترانگۆتنێ كری و دبێژیت: حەزا من بۆ سترانگۆتنێ یا بەری چەند سالانە، لێ ئەڤە دەمەكێ كورتە من دەستپێكری و حەزدكەم پشتەڤانیا من بهێتە كرن دا یا بەردەوام بم، چنكو خەلكەك دبێژنە من دەنگێ تە یێ باشە و ئەز ژی دبێژم من باوەریا ب خۆ و دەنگێ خۆ هەی، لەورا هەكە پشتەڤانیا من بهێتە كرن، دێ شێم یا بەردەوامبم و بۆ هەر كارەكی ب تایبەت یێ هونەری مرۆڤ ل دەستپێكێ پێدڤی ب پشتەڤانیێ هەیە.
هەروەسا گۆت: وەك هزر پلانێن باش ل بەر دەستێ من هەنە و هەكە رێخۆشكرن و ئاسانكاری هەبیت دێ شێم ل دووف شیانێن خۆ خزمەتا هونەرێ كوردی، ب تایبەت ژی سترانگۆتنێ كەم، كو ئەڤە ئێك ژ خەون و هیڤیێن منە.
