زاخۆ: سێ کەس تووشی کۆرۆنا یێ بوون
ئەڤرۆ نیوز، عەلی حاجی :
رێڤەبەرێ ناحیا رزگاری یا سەر ب قەزا زاخۆ ڤە بۆ ئەڤرۆ نیوز دیار کر: ل سنورێ ناحیا رزگاری دناڤ گومرکێن فێقی دا، پشتی سێ روژان هاتیە کەرەنتی کرن و پشکنین بۆ وان کەسێن دناڤ وێ گومرکێ دا هاتیە ئەنجام دان دیار بوو پشکنینا سێ کەسان پۆزەتیفە.
زێدەتر سەروەر سەعید گۆت: ئەڤرۆ ئێکشەمبێ دناڤ گومرکێن فێقی دا ئەوا دکەڤیتە سەر رێیا سەرەکی یا جادەیا ئیبراهیم کو د سێیەم روژا کەرەنتینێ دا پشکنینێن سێ کەسان دیار بوو کو هەلگرێن ڤایروسێ کورونایێ نە و دو ژ وان شوفێرێن عەرەبن و کەسەکێ دیتر ژی خەلکێ زاخۆیە و ئەڤە د دەمەکێ دایە کو ئەو شوفێر ژ باژێرێن ناڤەراستا عێراقێ قەستا زاخۆ کرینە و پێشتر ل خالێن سنوری دناڤبەرا کوردستانێ و عێراقێ دا پشکنینێن وان هاتینە وەرگرتن کو پشتی دیار بوونا پشکنینانی دیار بوو هەلگرێن وی ڤایروسی نە.
ناڤبری دیار کر ژی نوکە دا ئەو سێ توشبوو بۆ نەخوشخانەیا تایبەت ب کورونا یێ ڤە ل دهوکێ هاتنە رەوانە کرن بۆ وەرگرتنا چارەسەریێ و ژبەر وان دوو شوفێرێن عەرەب قەستا گورەپانەکا راوەستیانا ترومبێلێن بارهەلگر کربوو ئەو گورەپانە ژی هاتە کەرەنتی کرن.
