زانکویا زاخۆ دگەل زانکویەکا تورکی رێککەفتنەک ئیمزا کر
ئەڤرۆ نیوز، عەلی حاجی:
زانکویا زاخۆ ب سەروکاتیا دکتور لەزگین عەبدی رێککەفتنەکا لێکتێگەھشتنێ ل دور گوھارتنا ستافێ ئەکادیمی و کونفرانسان دگەل زانکویەکا ساکاری یا ل وەلاتێ تورکیا ئیمزا کر.
دکتور کاروان فەھمی ھاریکارێ سەروکێ زانکویا زاخۆ بۆ ئەڤرۆ نیوز دیارکر د سەرەدانەکێ دا وەکو ستافێ زانکویا زاخۆ مە رێککەفتنەکا لێکتێگەھشتنێ دگەل زانکویا ساکاریا ئەنجام دا، ئەڤ رێککەفتنە ژبەر وێ چەندێ بۆ زانکویا ساکاریا یا بەرنیاسە د جێبەجێ کرنا سیستەمێ بولونا دا کو ھەمان سیستەمە ل زانکویا زاخۆ دھێتە پەیرەو کرن، ھەر دوێ رێککەفتنێ دا ئەم ل سەر چەندین خالان رێککەفتینە و مە داخاز ژ زانکویا ناڤبری کری یە ل بن چاڤدێریا وێ زانکویێ سیستەمێ بولونا پەیرەو بکەین ژبەر کو ئەو زانکویە ئێک ژ پێنچ زانکویایە ل سەر ئاستێ ئەوروپا باوەرنامە سیستەمێ بولونا وەرگرتی .
ناڤھاتی زێدەتر گوت : ئەم ل سەر سێ خالان رێکەڤتینە و خالا گرنک ئەوە کو ھەما ھەنگی ھەبیت قوتابیێن زانکویا زاخۆ ھەلگرێن باوەرنامەێن خواندنا بلند ماستەر و دکتورا ل وێ زانکویێ بخوینن و ھەر دیسان ڤەکرنا خولان دناڤبەرا مە دا ل دور چاوانیا پەیرەو کرنا سیستەمێ بولونا ب شێوەیەکێ باش ل وێ زانکویێ دا کو زانکویا زاخۆ ژی مفایی ژ وێ زانکویێ وەربگریت،بریارە ددەمەکێ نێزیک دا شاندەکێ ژوێ زانکویێ سەرەدانا زانکویا زاخۆ بکەن.
