سالانە ب هندەك بەرهەمێن نوو پشكدار دبین
سندس سالح سلێڤانەیی
مەحموود فاروق، كو ئێك ژ پشكدارێن فێستیڤالا بازاڕگەڕیا مسرێ یە، د دیدارەكێ دا بۆ رۆژنامەیا ئەڤرۆ گۆت: ئەز خەلكێ وەلاتێ (مسرێ) مە و ئەڤە چار سالن ل دووف ئێك ئەم پشكداریێ دڤێ فێستیڤالێ دا دكەین، پشكداریا مە یا ئەڤە سالە ب هژمارەكا زۆرا جۆرێن (بهارات و شەربەتا نە) كو ل هەر ل (مسرێ) دهێنە چێكرن و وەك (ماركە) دهێتە هژمارتن، چنكو نە بەس ل (مسرێ) بەلكو ل گەل وەلاتێن عەرەبی ژی دهێتە فرۆتن، هەتا ل عیراقێ و هەرێما كوردستانێ ژی، لەورا ئەو كەسێن سەرەدانا مە دكەن دزانن كو بهاراتێن (مسرێ) دباشن و گەلەك دكڕن.
هەروەسا گۆت: هەر سالەكا ئەم دهێین هندەك بەرهەمێن جودا ژ سالێن بۆری دگەل خۆ دئینبن و بۆ ئەڤ سالە ژی مە حەفت جۆرێن نوو یێن بهاراتان دگەل خۆ ئیناینە و كەیفخۆشین كو مە بكڕێن كورد هەنە.
