سرا چێکرنا پاسپۆرتان گەھشتیە سالا 2018

ئه‌ڤرۆ نيوز:

ل دووڤ ئامارێن رێڤەبەریا پاسپۆرتان ل پارێزگەھا دھۆک تاکە رێڤەبەری یە ل سەرانسەری عیراقێ سرا نەھێلای و پتر پاسپۆرتان دەردکەت، د دەمەکی دا سرا ئاواران بۆ چێکرنا پاسپۆرتان گەھشتیە سالا 2018. رێڤەبەرێ پاسپۆرتان ل دھۆکێ زێدەتر دبێژیت: پشتی ئاوارە ھاتینە رێکخستن سرا خەلکێ ئاوارە ھەتا 2018 چوویە، لێ بۆ خەلکێ دھۆکێ بێ سرایە، بەرنامە ھاتیە دانان رۆژانە ھەتا 100 مامەلان بۆ ئاواران بھێنە برێڤەبرن، ئەڤێن دی بۆ خەلکێ دھۆکێ و ب تایبەت ئەگەر تۆر یا باش بیت، رۆژانە ھەتا 600 مامەلێن وەلاتیان کو خەلکێ دھۆکێ نە دھێنە برێڤەبرن.

نەوزاد مجید رێڤەبەرێ پاسپۆرتان ل دھۆکێ بۆ رۆژناما ئەڤرۆ ئاشکرا کر، تاکە رێڤەبەری بووین ل سالا 2011 ل سەر ئاستێ عیراقێ سرا نەھێلایی، لێ پشتی ھاتنا ئاواران گڤاشتنەکا مەزن کەفتە سەر رێڤەبەریا مە و ھندەک رۆژان ھەتا پێنج ھزار وەلاتیان سەردانا رێڤەبەریا پاسپۆرتان دکر، پشتی ئاوارە ھاتینە رێکخستن سرا خەلکێ ئاوارە ھەتا 2018 چوویە و خەلکێ دھۆکێ بێ سرایە، بەرنامە ھاتیە دانان رۆژانە ھەتا 100 مامەلان بۆ ئاواران بھێنە برێڤەبرن، ئەڤێن دی بۆ خەلکێ دھۆکێ و ب تایبەت ئەگەر تۆر یا باش بیت، رۆژانە ھەتا 600 مامەلێن وەلاتیان کو خەلکێ دھۆکێ نە دھێنە برێڤەبرن و ھەر کەسەکێ خەلکێ دھۆکێ بیت ماوێ دو ھەتا سێ رۆژان دشێت ببیتە خودان پاسپۆرت.
نەوزاد مەجید رێڤەبەرێ پاسپۆرتان ل پارێزگەھا دھۆک ئەو ژی ئاشکراکر، ئێکەم پاسپۆرت ل شواتا سالا 2010 ھاتیە چێکرن، ھەتا نوکە پتر ژ 600 ھزار پاسپۆرتان ھاتینە چێکرن ل پارێزگەھا دھۆکێ.
ھێشتا گۆت: ل نێزیک دێ رێڤەبەریا نوو یا پاسپۆرتان ل تەناھی ھێتە ڤەکرن و رازیبوون ھاتینە و ئاڤاھی ھاتیە گرتن و قەیرانا دارایی ئەگەر بوو گیروبوو.
رێڤەبەرێ رێڤەبەریا پاسپۆرتان ئەو ژی گۆت: پاسپۆرت ناھێتە سەختەکرن، لێ پێدڤیێن چێکرنا ڤێ پاسپۆرتێ گەلەک جاران دھێتە سەختەکرن، وەک رەگەزناما کەسایەتی یان دەرڤە ب ناڤەکی و کوردستانێ ب ناڤەکی یە، لێ شارەزایا فەرمانبەرێن مە ئەو دەربازنەبووینە و دشێسن بێژین بۆ ڤێ چەندێ ژی پلە ئێکین ل سەر ئاستێ عیراقێ.
گۆت ژی: ھەر دو پارێزگەھێن ھەولێرێ وسلێمانیێ ھەر ئێکێ دو نڤسینگەە ھەنە و ل دھۆکێ ب تنێ ئێک ھەیە و ئەگەر نڤیسینگەە بھێنە ھەژمارتن، یا دھۆکێ پلە ئێکە ل سەر ئاستێ عیراقێ، لێ یێن ھەردو پارێزگەھێن دی دھێنە کۆمکرن و ئەو ژ مە زێدەتر لێ دھێن.
ئاشکرا کر ژی کو ھەر کەسەکێ کمێتر بیت ژ 18 سالیێ باب دڤێت وەک سەمیان پەنجەمورێ لێ بدەت وەک رازیبوون ل سەر دانا پاسپۆرتێ بۆ ڤی کەسی، بۆ پتر ژ 16 سالیێ ئەو قانوون نەمایە و دشێت پاسپۆرتێ چێکەت بێ بابێ خوە، پێشتر ھەر کەسەکێ پاسپۆرتا خوە بەرزەکربا دڤیابا چووبا بەغدا، لێ ب پشتەڤانیا ئەندامێن پەرلەمانێ عیراقێ یێن کورد ئەو قانوون ھاتیە گوھۆرین و ھەر کەسەکێ پاسپۆرتا خوە ب گوھوریت دشێت ب رێیا دادگەھا دھۆک رازیبوون ل سەر بھێت و دێ پاسپۆرت بۆ ھێتە چێکرن و چەند بەرزە بکەت و دادگەە رێ بدەت دێ بۆ ھێتە چێکرن، رۆژانە ھەتا 30 حالەتێن پاسپۆرت بەروەنکرنێ وەک مامەلە مە ل دھۆکێ ھەنە.
ناڤبری ئەو ژی گۆت: ھەکە نڤیسینگەھا دی یا پاسپۆرتان بھێتە ڤەکرن، دێ بارێ مە ھێتە سڤککرن و دبیت د ماوەکێ کێم دا سرا ئاواران ژی نەمینت و دیسا نەبوونا تۆرێ و چوون کێشا مەرکەزی یا ھەموو پارێزگەھان ھەیە.
نەوازد مەجید ئەو ژی ئاشکراکر، ژیێ ھەر پاسپۆرتەکا دھێتە چێکرن ھەشت سالن بۆ مەزنان بۆ زارویان، چونکە و جە دھێتە گوھۆرین چار سالن، دیسا نوکە ژ بەر کاودانێن شەری چەند بریندار رۆژانە بھێنە دەسپێکی بۆ چێکرنا پاسپۆرتان بۆ بریندارانە.
نەوزاد مەجید نە ڤەشارت و گۆت: ئاریشا ئاڤاھی مە ھەیە کو ئاڤاھیەکێ تایبەت بیت بۆ کارێ پاسپۆرتان بھێتە چێکرن گرنگە و ئاڤاھیێ نوکە ب کێر پاسپۆرتان ناھێت.
گۆت ژی: بەرنامە ھەیە پاسپۆرتا نوکە ژی بھێتە گوھۆرین، لێ دەم نە یێ دیارە و دێ پاسپۆرتەکا پێشکەفتی بیت وەکی سیمکارتەکی دێ د ناڤ دابیت وەک وەلاتێن پێشکەفتی، یێن نوکە باشن لێ نە د ئەلکترونی نە.
ل دووڤ ئامارێن رێڤەبەریا ناڤبری ژ سالا 2010 ھەتا ھەیڤا دەە یا سالا 2016 پاسپۆرتێن پارێزگەھا دھۆک ھاتینە چێکرن، نێزیکی 600 ھزاران بووینە.

کۆمێنتا تە