سه‌ركرداتيا پارتى ئه‌ڤرۆ دێ كۆمبوونه‌كا گرنگ ئه‌نجام ده‌ت
ئه‌ڤرۆ نيوز:
سه‌ركرداتيا پارتى ديموكراتى كوردستان ئڤرۆ رۆژا پێنجشه‌مبى دێ كۆمبوونه‌كا گرنگ ب ئاماده‌بوونا مه‌سعود بارزانى سه‌رۆكێ وێ حزبێ ئه‌نجام ده‌ت و پرۆسا چاكسازيان و ژماره‌كا گورانكاريان ژى ئێخيته به‌ر دانوستاندنێ.
ب گۆره‌ى پێزانينێن پێشتر ئه‌ڤرۆ نيوز به‌لاڤكرين، ئه‌ڤرۆ رۆژا پێنجشه‌مبى رێكه‌فتى 5ى ئه‌يارا 2016ێ ل پيرمام، كۆمبوونا سه‌ركرداتيا پارتى دێ ب رێڤه چيت و مه‌ره‌م پێ هه‌لسه‌نگاندنه بۆ قووناغا چاكسازيان يا بارزانى ل 10ى شوباتا 2016ێ دا راگه‌هاندى.
هه‌ر د وێ كۆمبوونێ دا پارتى دێ به‌حس ل ژماره‌كا گوهۆڕينان كه‌ت و پێداچوونێ د هه‌يكه‌لێ حزبى يێ خوه دا كه‌ت و دووماهى پێشهاتێن گوره‌پانا سياسى يا عيراقێ ژى گه‌نگه‌شه كه‌ت.
مه‌سعود بارزانى سه‌رۆكێ هه‌رێما كوردستانێ ل 10ى شوباتا رابۆرى دو فايلێن چاكسازيێ بۆ حزب و حوكمه‌تێ راگه‌هاندن و خه‌لكێ كوردستانێ ژى ب هوورى يێ چاڤدێريا ئه‌نجامان دكه‌ت، هه‌تا نوكه ژى ژماره‌ك ژ وان كه‌سێن گه‌نده‌ل راده‌ستى دادگه‌هێ كرينه.
