سه‌روك كومارێ عیراقێ: ریفراندۆمێ ئاریشه بو هه‌رێما كوردستانێ درۆستكرن
ئه‌ڤرۆ نیوز ، هلۆرى:
ده‌مه‌ك به‌ریا نها سه‌روك كومارێ عیراقێ لسه‌ر ره‌وشا كه‌ركوك و ئه‌وان گورانكاریێن كو ل ده‌ڤه‌رێ هاتینه روودان په‌یامه‌ك ئاراسته‌یێ خه‌لكێ عیراق و هه‌رێما كوردستانێ كر و دیاركر كو هێزێن پێشمه‌رگه‌ى پشكه‌كن ژ هێزێن چه‌كدارێن عیراقێ و ره‌وشا وان ناهێته گوهرین و هه‌ڤده‌م داخواز ل خه‌لكێ كه‌ركوكێ ژى كر كو بزڤرنه سه‌ر مالێن خوه.
فوئاد مەعسوم سه‌روك كومارێ عیراقێ گوت ژى: ( ریفراندۆمێ ئاریشه‌یێن مه‌زن ئێخستنه دناڤبه‌را هه‌رێما كوردستان و عیراقێ ، دخوازم كو هێزێن ئه‌منى ماف و كه‌رامه‌تا پێشمه‌رگه و فه‌رمانبه‌ر و وه‌لاتیێن كه‌ركوكێ بپارێزن و پێدڤى یه ژى كو ژیانه‌كا باش ژى بو وان بهێته دابینكرن)
ل بارا په‌یوه‌ندیێن دناڤبه‌را هه‌رێم و به‌غدا ژى گوت: ( پێدڤى یه بله‌ز هه‌ردوو لای بزڤرن بو سه‌ر مێزێن دانوستاندنێ و پێگیریێ ب قانون و ده‌ستوو بكه‌ن و ئێدى ناكوكیان دووباره نه‌كه‌ن ، و د ده‌ما بورى دا من زور بزاڤكرن كو هه‌ردو لا بگه‌هنه رێكه‌فتنه‌كێ و پێدڤى یه براتیا دناڤبه‌را عیراقیان بهێته بهێزكرن و ل دیكتاتوریه‌ت و توندوتیژیێ دویر بكه‌ڤن )
سه‌روك كومارى دیاركر ژى كو ب رێیا دانوستاندنان دناڤبه‌را لایه‌نێن سیاسى ، هه‌موو ئاریشه بهێنه چاره‌سه‌ركرن ب ره‌نگه‌كێ كو مافێن كورد و عه‌ره‌ب و توركمان و هه‌موو پێكهاته‌یێن دن بێى جوداهى بهێنه پاراستن.