سه‌رۆكاتيا كۆمارێ ئه‌نجامێ كۆمبوونا شاندێ هه‌ڤپشك ومه‌عسوومى راگه‌هاند
ئه‌ڤرۆنيوز:
سه‌رۆكاتيا كۆمارا عيراقێ ئه‌نجامێ كۆمبوونا ئڤرۆ يا شاندێ هه‌ڤپشكێ پارتى وئێكه‌تى وفوئاد مه‌عسووم سه‌رۆك كۆمارا عيراقێ به‌لاڤكر.
نڤيسينگه‌ها راگه‌هاندنێ يا سه‌رۆكاتيا كۆمارێ راگه‌هاند” ئێڤاريا ئه‌ڤرۆ شه‌مبيێ شاندێ هه‌ڤپشكێ پارتى وئێكه‌تى ل گه‌ل فوئاد مه‌عسووم كۆمبوو”.
دياركر ژى” فوئاد مه‌عسوومى دكۆمبوونێ دا دووپاتى ل سه‌ر پێدڤيا هه‌ماهه‌نگيا هه‌موويان كر بۆ وێ چه‌ندێ بگه‌هنه لێكتێگه‌هشتن وئێكرێزى ژبۆ پێكئينانا حوكمه‌ته‌كێ كو داخوازيێن گه‌لێ عيراقێ ب هه‌موو پێكهاتێن خوه‌ڤه بده‌ستڤه‌بينيت”.
به‌لاڤكر ژى” شاندێ هه‌ڤپشك يێ پارتى وئێكه‌تيێ سوباهى ئێكشه‌مبى دێ ل گه‌ل لايه‌نێن سياسى يێن دى كۆمبيت ب به‌رنامه‌كێ ئێكگرتى كو داخوازيێن بنه‌ره‌تى يێن وه‌لاتيێن هه‌رێما كوردستانێ بخوه‌ڤه دگريت”.
ئێڤاريا ئه‌ڤرۆ شه‌مبيێ 1/9/2018 شاندێ بلند يێ هه‌ڤپشك يێ پارتى وئێكه‌تى ب سه‌ره‌دانه‌كێ گه‌هشته به‌غدا وپشتى گه‌هشتنا وان سه‌ره‌دانا مالا فوئاد مه‌عسووم سه‌رۆك كۆمارا عيراقێ كر وكۆمبوونه‌ك ئه‌نجامدا.
