سه‌رۆكێ فره‌نسا دێ سه‌ره‌دانا عيراقێ كه‌ت
ئه‌ڤرۆ نيوز:
سه‌رۆك فره‌نسا دێ سه‌ره‌دانا عيراقێ كه‌ت و چاڤه‌رێ دهێته كرن سه‌ره‌دانا هه‌رێما كوردستانێ ژى بكه‌ت.
وه‌زاره‌تا ژ ده‌رڤه يا عيراقێ د به‌ياننامه‌كێ دا راگه‌هانديه كو محه‌مه‌د عه‌لى حه‌كيم وه‌زيرێ ژ ده‌رڤه په‌يوه‌نديه‌كا تله‌فۆنى ل گه‌ل جا ئێن لودريان وه‌زيرێ ژ ده‌رڤه يێ فره‌نسا ئه‌نجام دايه.
د په‌يوه‌نديا تله‌فۆنى دا، محه‌مه‌د عه‌لى حه‌كيم، و جان ئێف لودريان دانوستاندنا په‌يوه‌نديێن به‌غدا و پاريس كرينه و لودريان پشته‌ڤانيا وه‌لاتێ خوه بۆ عيراقێ ل شه‌رێ دژى رێكخراوا تيرۆرستى داعش دووپات كريه.
هه‌ر وه‌كو د به‌ياننامێ دا هاتى، وه‌زيرێ ژ ده‌رڤه يێ فره‌نسا نيه‌تا خوه نيشان دايه بۆ سه‌ره‌دانكرنا عيراقێ ل ده‌سپێكا سالا بهێت ژى دێ ئيمانوئێل ماكرۆن سه‌رۆكێ وه‌لاتێ فره‌نسا سه‌ره‌دانا عيراقێ كه‌ت.
هه‌ر چه‌نده چو داخۆيانيێن فه‌رمى ده‌رباره‌يى وێ چه‌ندێ نينن كو ماكرۆن دێ سه‌ره‌دانا هه‌رێما كوردستانێ كه‌ت، به‌لێ دهێته چاڤه‌رێكرن سه‌ره‌دانا هه‌رێما كوردستانێ ژى بده‌ت.