سه‌رۆك بارزانی سوپاسیا گه‌ل و حوكمه‌تا كه‌ندا كر
ئه‌ڤرۆ نیۆز:
سه‌رۆك مه‌سعود بارزانی ئه‌ڤرۆ پێشوازی ل پاول گیبارد بالیۆزێ نوو یێ كه‌نه‌دا ل عیراقێ و شاندێ ل گه‌ل دا كر.
د دیداره‌كێ دا، بالیۆزێ كه‌نه‌دا ل عیراقێ پیرۆزباهیا سه‌ركه‌فتنا هه‌لبژارتنێن هه‌رێما كوردستانێ و سه‌ركه‌فتنا لیستا پارتی ل سه‌رۆك بارزانی كر و دوپاتی ل وێ چه‌ندێ ژی كر كو هه‌رێما كوردستانێ بۆ وه‌لاتێ وی گرنگی و پێگه‌هه‌كێ تایبه‌تێ هه‌ی، هه‌روه‌سا ئاماژه ب سیسته‌مێ سیاسی و ئه‌زموونا فیدرالی یا كه‌نه‌دا دا و داخواز كر هاریكاری و په‌یوه‌ندیێن د ناڤبه‌را كه‌نه‌دا و هه‌رێما كوردستانێ دا د وارێ سیسته‌مێ كارگێری و سیاسی و كاركرن بۆ وه‌كهه‌ڤیا جێنده‌ری و پشكداریا كارا یا ئافره‌تێ پێشڤه ببه‌ت.
ژ لایێ خوه ڤه سه‌رۆك بارزانی سوپاسیا گه‌ل و حوكمه‌تا كه‌ندا كر كو د شه‌رێ دژی داعشێ دا هاریكاری پێشكێشی پێشمه‌رگه‌ی كری و راگه‌هاند، ل هه‌رێما كوردستانێ چو سه‌قفه‌ك بۆ پشكداریا ئافره‌تێ د ژیانا سیاسی و ئابووری و جڤاكی یا جڤاكی نه‌هاتیه دانان و ب پێدڤی ژی زانی رۆلێ ئافره‌تێ د هه‌موو واران دا كاراتر بیت.