سه‌رۆك بارزانی وشانده‌كێ رۆژئاڤايێ كوردستانێ كۆمبوون
ئه‌ڤرۆنيوز:
سه‌رۆك بارزانى، ئه‌ڤرۆ چارشه‌مبى 21/2/2018، ل گه‌ل ده‌سته‌يا سه‌رۆكاتيا جڤاتا كوردێن سوورى كۆمبوو ودانوستاندن ل سه‌ر دووماهى پێشهاتێن سياسى وئه‌منى ل رۆژئاڤايێ كوردستانێ وباژێرێ عه‌فرينێ هاته كرن.
دوێ كۆمبوونێ دا، بير وبۆچوون ل دۆر پاشه‌رۆژا رۆژهه‌لاتێ رووبارێ فورات وهه‌ڤكێشێن له‌شكرى وسياسى ل وان ده‌ڤه‌ران هاتنه ئالوگۆركرن.
شاندێ مێهڤان كورتيه‌ك ل دۆر په‌يوه‌نديێن خوه ل گه‌ل هێزێن سياسى يێن رۆژئاڤا ولايه‌نێن سوورى وچالاكيێن سياسى يێن جڤاتا كوردێن سووريێ بۆ سه‌رۆك بارزانى به‌رچاڤكرن، سه‌رۆك بارزانى ژى دپه‌يڤه‌كێ رۆناهى خسته سه‌ر پاشه‌رۆژ وته‌حه‌ديێن به‌رده‌م گه‌لێ كورد ل سووريێ وشيره‌تێن پێدڤى ل دۆروێ چه‌ندێ ئاراسته‌ى شاندێ مێهڤان كرن.
