سوبەهی فیستهڤالا پهیمانگهها هونهرێن جوان ل دهۆكێ دێ ب دووماهی هێت
سندس سالح سلێڤانهیی:
ب چاڤدێریا (د. عهلى تهتهر) پارێزگهرێ دهۆكێ و ل ژێر دروشمێ (ئافراندن ب سیمایێن ئازاداییێ) پهیمانگهها هونهرێن جوان ل دهۆكێ، ل رۆژا شهمبى رێكهفتى 6/6 ب گێڕانا كۆنسێرتهكا مۆزیكێ دهست ب فیستهڤالا خۆ یا (27) كر و دێ ههتا سوبههى 9/6 یا بهردهوام بیت و قوتابیێن ههرسێ پشكێن (شێوهكارى، شانۆ، مۆزیكێ) بهرههمێن خۆ دێ د فیستهڤالێ دا نیشادهن.
د بهرنامێ رۆژا ئێكێ دا 6/6 ل دهستپێكێ ماموستا (شڤان مستهفا) رێڤهبهرێ پهیمانگهها هونهرێن جوان ل دهۆكێ پهیڤهك خواند و دهستخۆشى ل ههموو قوتابى و ماموستایێن پهیمانگههێ كر بۆ گێڕانا ڤێ فیستهڤالێ، ههروهسا بهحسێ گرنگى و ههبوونا ڤێ پهیمانگههێ كر ل باژێرێ دهۆكێ كر و سوپاسیا پارێزگارێ دهۆكێ بۆ پشتهڤانیا وى بو ڤێ فیستهڤالێ و د برگا دووڤدا كونسێرتهكا ستران و مۆزیكێ ل هولا كونفرانسان ل زانكۆیا دهۆك كو ژلایێ پشكا مۆزیكێ ڤه هاتبوو ئامادهكرن، هاته گێڕان و دڤێ ئێڤارێ ههشت سرود و ستران ژلایێ قوتابى و ماموستایێن وێ پشكێ ڤه هاتنه پێشکێشکرن،كو ئهو ژى ئهڤه بوون:
1ــ سرۆدا (مالا مهزن) ژ پهیڤێن ههلبهستڤان (شهعبان سلێمان) ئاواز و دابهشكرنا مۆزیكێ ماموستا (ئیحسان میكائیل).
2 ـ سرۆدا (پهیمانگهها هونهرێن جوان) ژ پهیڤێن ههلبهستڤان (هشیار رێكانى) ئاواز و دابهشكرنا مۆزیكێ ماموستا (ئهڤین حسێن).
3ـ سترانا (شهمامێ) پهیڤ و ئاواز فولكلۆر، ئامادهكرن و دابهشكرن ماموستا (باوهر حاجى).
4ـ سترانا (ههى بهرده) پهیڤ و ئاواز فولكلۆر، ئامادهكرن و دابهشكرن ماموستا (ئارى كاوه).
5ـ سترانا (دهۆكا من) ژ سترانێن هونهرمهند (ئیسماعیل جومعه) پهیڤ ههلبهستڤان (كامیران بهروارى) ئاواز (بهرهڤان حسێن) ئامادهكرن و دابهشكرن ماموستا (كاركهر عابد).
6ـ گهشتهكا مۆزیك و سترانان، ئامادهكرن و دابهشكرن ماموستا (مێڤان ئهمین).
7ـ سترانێن (یار كوبار و ئهم نادهین) پهیڤ و ئاواز فولكلۆر، ئامادهكرن و دابهشكرنا مۆزیكێ ماموستا (ئهلند خهیرى).
8ــ سترانا (كانى ل بهر كانى) ژ سترانێن هونهرمهند (وهلید دۆسكى) ئامادهكرن و دابهشكرنا مۆزیكێ ماموستا (كاوه محهمهد) و پشتى ب دووماهى هاتنا ڤێ سترانێ بهرنامهیێ رۆژا ئێكێ ب دووماهى هات.
بهرنامهیێ رۆژا دویێ ل دهمژمێر (10) سپێدى ل ئاڤاهیێ پهیمانگههێ هاته گێڕان كو ئهو ژى ڤهكرنا پێشانگهها شێوهكارى بوو، كو ئهو ژى بهرههمێن قوتابێن پشكا شێوهكارى هاته نیشادان، ههر لڤێ رۆژێ ل دهمژمێر (6) ئێڤارى شانۆگهریا (نهێنیا نهورهسێ دهریایی) كو ژبهرههمێ پشكا شانۆیێ یه، هاته نیشادان و پێشانگهها شێوهكارى ژى دێ یا ڤهكرى بیت ههتا رۆژا 9/6/2026
دهربارهى بهرنامهیێ رۆژا سێیێ رێكهفتى 8/6 ل دهمژمێر (6) ئێڤارى شانۆگهریا (كى ل وێرێ یه؟) ل هولا پهیمانگههێ هاته نیشادان، ل رۆژا چارێ كو چارێ 9/6 ههر ل دهمژمێر (6) ئێڤارى شانۆگهریا ( ئاوازهك د دهریایدا) ل هولا پهیمانگههێ دێ هێته نیشادان و پشتى ب دووماهى هاتنا ڤێ شانۆگهریێ فیستهڤالا ئهڤ ساله دێ ب دووماهى هێت.
حهكیم عسمهت، گهنجهكێ خهلكێ دهۆكێ و ئێك ژ حهزژێكهرێن هونهرى یه، د كۆنسێرتا مۆزیكێ دا یێ بهرههڤ بوو، بڤى رهنگى دیتنا خۆ ل دۆر فیستهڤالێ بۆ رۆژنامهیا ئهڤرۆ دیاركر: ئهز وهكو هونهر دوستهك هاتیمه پرانیا فیستهڤالێن پهیمانگههێ و ئهڤ ساله من دیت كۆنسێرتا مۆزیكێ د ئاستهكێ باشتر دا بوو، ئانكو گهلهك ژ سالێن بۆرى باشتر بوو، لێ تێبینیا من ل سهر ڤێ كۆنسێرتێ ئهو بوو سترانێن فولكلۆرى گهلهك بوون، ل ڤێره مهرهما من ئهو نینه كو خۆ ژ سترانێن فولكلۆرى دوور بكهن، نهخێر بلا ههبن بهس بلا كێمتربن و ژبهركو پهیمانگەهـ كانیا فولكلۆرى یه پێشنیازدكهم ل سالا بهێت ههر ماموستایهكێ پشكا مۆزیكێ ئهو ب خۆ ل گهل ههلبهستڤانهكى رێككهڤیت كو ههلبهستهكێ بدهتێ و ماموستا خۆ ئاواز كهت و قوتابى بێژن ل وى دهمى دێ پتر حنێرا وان دیار بیت.
خهملین محهمهد، كچهكا خهلكا زاخۆ بوو، ئهو ژى هاتبوو پێش پێشانگهها شێوهكارێ، وێ ژى بڤى ڕهنگى بۆ رۆژنامهیا ئهڤرۆ گۆت: ب راستى من ئهڤرۆ كهڤالێن باش دیتنن و شوون تبلێن قوتابى و ماموستایان تێدا د دیار بوون، داخوازا من ژڤان قوتابیان ئهوه پشتى دهرچونێ ژى دبهردهوام بن و خزمهتا هونهرێ كوردى بكهن، ههروهسا داخوازا من ژ جهێن شۆلهژێ ژى ئهوه كو هاریكاریا ڤان گهنجان بهێته كرن، چنكو بههرهیێن گهلهك باش دناڤدا ههنه.
