سیاسیەتمه‌داره‌كێ کورد پێشنیاز دکەت کورد و عەرەب بھێنە جوداکرن
ئه‌ڤرۆ:
مالپەرێ Al-Monitor یێ ئەمریکی بەلاڤکریە کو پشتی عەرەبێن دەڤەرێن تێکەل خیانەت ژ کوردێن ئێزدی و کوردێن موسلمان کری، پێکڤە ژیانا کورد و عەرەبان ل وان دەڤەران بوویە کارەکێ ب زەحمەت.
ئاوارەیەکێ کوردێ دەوروبەرێن تلکێفێ بۆ Al-monitor گۆتیە: (جوداھیا داعش و عەرەبێن جیرانێن مە، داعش دڤیا کونترولا دەڤەرا مە بکەت و دەستھەلاتا خو بەرفرەە بکەت، لێ عەرەبێن جیرانێن مە د گەل ھندێ دا کو ھاریکاریا داعش کر د کونترولکرنا دەڤەرا مە دا، ترۆمبێل و ھەموو کەل و پەلێن مە دزین لەوما ئەم نەشێین ئێدی ل گەل وان بژین).
پەرلەمانتارێ پارتی محسن سەعدون ژی بۆ Al-monitor گۆتیە: (نێزیکی ٢٠ گوندێن عەرەبان یێ ل دەڤەرا زومار ھەین و پتریا وان بوونە ھەڤالێن داعش و پێشمەرگێن مە کوشتن، لەوما پشتی ئەم ڤان دەڤەران رزگار دکەین ئەم نەشێین ب ئاشتیانە ل گەل وان عەرەبان بژین).
محسن سەعدون زێدتر گۆت: (مە پلانەک یا ھەی کو وان عەرەبان ژ روویێ ئیداری ڤە ژ خو دوور بکەین، ئەم پێشنیار دکەین گوندێن عەرەبان ل دەڤەرێن کوردان ژ روویێ ئیداری ڤە ب ناحیەکا عەرەبی ڤە بھێنە گرێدان و گوندێن کوردان ژی ھەمیا ب ناحیێن کوردی ڤە گرێ بدەن دا ئەم ژ نەخوشیێن وان رزگار ب بین.”
