سێ پارێزگه‌رێن هه‌رێمێ دێ پشكداريێ دكۆنگرێ ئاڤه‌دانكرنێ ل كوێتێ كه‌ن
ئه‌ڤرۆنيوز:
برياره ل هه‌فتيا بهێت شانده‌كێ هه‌رێما كوردستانێ كو ژ پارێزگه‌ران ودو وه‌زيران پێكهاتيه سه‌ره‌دانا وه‌لاتێ كوێتێ بكه‌ن وبۆ ده‌مێ سێ رۆژان بمينيت ب مه‌ره‌ما پشكداريێ دكونفرانسێ ئاڤه‌دانكرنا عيراقێ دا.
هه‌مزه حامد، رێڤه‌به‌رێ راگه‌هاندنا پارێزگه‌ها هه‌ولێرێ گۆت” داخوازنامه‌كا فه‌رمى ژلايێ حوكمه‌تا كوێتى ڤه يا گه‌هشتيه مه وبرياره شانده‌كێ هه‌رێما كوردستانێ يێ پێكهاتى ژ هه‌ر سێ پارێزگه‌ران ووه‌زيرێن پلاندانانێ وئاڤه‌دانكرنێ سه‌ره‌دانێ كوێتێ بكه‌ن”.
هه‌مزه‌ى زێده‌تر بۆ وشه گۆت” شاندێ هه‌رێمێ ژ 12 هه‌تا 14 ڤێ هه‌يڤێ دێ ل كوێتێ مينيت وپشكداريێ دكۆنفرانسێ ئاڤه‌دانكرنا عيراقێ دا كه‌ت وچه‌ندين رێڤه‌به‌رێن گشتى ژى ل وه‌زاره‌تا پلاندانانێ دێ پشكداريێ دوى كۆنفرانسى دا كه‌ن”.
زێده‌تر ژ هزار كۆمپانيێن ژ چه‌ندين وه‌لاتێن جيهانێ دێ پشكداريێ دوى كۆنفرانسى دا كه‌ن.
