سەرۆك بارزانی: دخوازین پەیوەندیێن هەرێما كوردستانێ و بریتانیا زێدەتر پێشڤە بچن

دوهی ئێكشەمبی 23/6/2024، ل سەلاحەدین سەرۆك مەسعود بارزانی پێشوازی ل ئاندرۆ دیزلی كونسۆلێ گشتیێ نوو یێ بریتانیا ل هەولێرێ كر.
د دیدارەكێدا كو رۆزی كەیڤ، جێگرا بالیۆزێ بریتانیا ل ئیراقێ بەرهەڤ بووی، سەرۆك بارزانی سەرەرای ب خێر هاتنا شاندێ مێهڤان هیڤییا سەركەفتنێ بۆ قونسلێ نوو یێ بریتانیا ل هەولێرێ خواست د ئەركێ وی یێ نوو دا. هەروەسا ئاماژە ب پەیوەندیێن دۆستانە و دیرۆكی د ناڤبەرا گەلێ كوردستانێ و بریتانیا كر و هیڤی خواست پەیوەندی بەردەوام بن و زێدەتر بەر ب پێشڤە بچن.
ژ ئالیێ خوەڤە قۆنسلێ گشتیێ بریتانیا ل هەولێرێ سوپاسییا هەلوەستێ سەرۆك بارزانی كر و باس ل پەیوەندیێن د ناڤبەرا گەل و حوكمەتا هەرێما كوردستانێ و بریتانیا كر و بەرهەڤییا خوە نیشاندا بۆ بەردەوامیدان و باشتركرنا ئەوان پەیوەندییان.
رەوشا سیاسییا ئیراقێ و دەڤەرێ و مەترسیێن تیرۆرێ تەوەرەكێ دی یێ ئەڤێ دیدارێ بوون.

کۆمێنتا تە