شاندێ وه‌زاره‌تا پێشمه‌رگه ل گه‌ل وه‌زيرێ به‌رگريێ هنگاريا كۆمبوو
ئه‌ڤرۆنيوز:
شانده‌كێ وه‌زاره‌تا پێشمه‌رگه ب سه‌رۆكاتيا سيروان بارزانى ل ئيڤاريا ئه‌ڤرۆ چارشه‌مبى 21/11/2018 ل گه‌ل وه‌زيرێ به‌رگريێ هنگاريا كۆمبوو.
هه‌ر دبه‌رده‌واميا كۆمبوونێن شاندێ وه‌زاره‌تا پێشمه‌رگه ل وه‌لاتێ هنگاريا، سه‌ره‌دانا نه‌خوه‌شخانا له‌شكرى وسه‌نته‌رێ نوشداريێ هێزێن ناتۆ كر ول گه‌ل جه‌نه‌رال ژابۆ كۆمبوو.
پێشتر سيروان بارزانى سه‌رۆكێ شاندێ وه‌زاره‌تا پێشمه‌رگه وبه‌رپرسێ ميحوه‌رێ گوێر – مه‌خموور راگه‌هاندبوو” ل گه‌ل وه‌زاره‌تا به‌رگريا هنگاريا كۆمبووين ومه داخوازيێن پێشمه‌رگه‌ى گه‌هاندنه وان”.
هنگاريا سۆزا به‌رده‌واميا هاريكاريێن له‌شكرى وساخله‌مى بۆ هێزێن پێشمه‌رگێ كوردستانێ دايه وبه‌رپرسێن له‌شكرى يێن وى وه‌لاتى رادگه‌هينن كو شانازيێ ب پێشمه‌رگه‌ى دكه‌ن ودحێبه‌تى نه ب سه‌ركه‌فتنێن پێشمه‌رگه‌ى.
