شانەیا رێكخستنا مە سـەرا شویشتنا وێنەیێن پێشمەرگەی هاتە ئاشكرا كـرن
سالار محەمەد دۆسكی:
6-6
ئەم پشتی گەهشتینە گەراجی بەرازیلەكا سو ور وێرێ بوو گازی دكر دهۆك و كەسەكێ قەرچەك ئەو ترۆمبێل دهاژون و ئەم چووینە دەف و مە گۆتێ ئەم زیندانێ دەركەفتینە و زیندانێ چ كاغەز نەبوو و بتنێ هەر ئێك ژ مە مورەك ل دەستی دا بوو و دڤێت دەستێ خوە نەشوی هەتا دگەهیە مال و دەستێ خوە نیشا زالگەها بدەی و بێژی ژ زیندانێ دەركەفتی مە و ب رێكێ ڤە ل پانزیخانەكێ من چەند جاران پەیوەندی ب مال كر كەسەكێ بەرەسف نەدا و پێشتر ژی من گۆت بوو مال چونكە بەری هینگێ هاتبوون نەهێلا بوون من گۆتێ هەما هەرن ئەم ب خوە دێ هێنە مال و دەمژمێر 10 و 10 خولەك بوو ئەم گەهشتینە زالگەها حوكمەتێ وی دەمی ئەو زالگەهـ دكەفتە بەرامبەر ئاڤاهیێ زانكۆیا دهۆك و جادا بنی هێشتا نە ڤەكربوو و ئاخ كربوویێ و دەمێ ئەم گەهشتینە سەرێ مالتایێ مە گۆتە شوفێری كا راوستە و مە گۆتێ دێ پیچەك بەرێ خودەینە دهۆكێ و دەمێ ئەم هاتینە گرتن لایێ نزاری جهێ نەخوشخانا ئازادی بتنێ شەفەلا لێ كار دكر، و مە بەرێ خودایێ ربوویە باژێر تاخێ نزاری و سێ گركا و ئەم نێزیكی 10 خولەكا ماین، و دوڤدا ئازاد بوتی گۆتی ئەز ب مال ناكەڤم و كرێدار بوون و من گۆتێ وەرە دێ چینە دەف مە و جه دایكا وی نیشادا بوو ل تاخێ شەهیدان ل پشت ئەمنێ و ل دەسپێكێ مە لەزگین خەلیل ملحەم پیرۆمەری گەهاندن و دوڤدا ئەم چووین مە ئازاد بگەهینن و دوكانەك ل وێرێ بوو و مە پرسیارا مالا ئازاد و پێشتر ژی خەلكی گۆت ئێك و دوو ئەگەر ترۆمبێلەك پرسیارا مالەكێ بكەت نەبێژنێ ژ بەر ئەمنێ یا بترس بوو و بزحمەت خەلكی مالەك نیشا كەسەكی دابا، مە گۆتێ مام ئەڤە كورێ وێ مالێ یە ژ زیندانێ دەركەفتی یە و ڤێت بچیتە مال و ب مال ناكەڤیت و مال نیشامەدا و گۆت ئەڤ كولانە و فلان خانیە، شوفێری گۆتە ئازاد تو ناچی و چوو دەرگەه قوتا و گۆتێ بەخشیشێ من كورێ هەوە من ئینایە و دوڤدا ئەحمەد ژی مە دانا و ئەم هاتینە محلا قەرچا و شوفێرێ قەرەچ گۆت كیشكە مالا هەوە من گۆتێ ئەڤە یا باپیرێ منە و یادی یا مەیە و گۆتە من خالێن تە چ كار دكەن؟ من گۆتێ مقاولن گۆت راوستە مادەم ئەو مقاولن دێ تە ل دەسپێكێ بەمە وێرێ و دەرگەه قوتا و گۆتە خالێ من مێهڤانەك من بۆ هەوە ئینایە و هەر هەمی دەركەفتن و هاتنە سەرێ من و 60 دینار وەك خەلات ژێ وەرگرتن و كرێ یا وژی من دایێ چوو، پشتی ئەم هاتینە ئازادكرن ئەم بەرەف لەشەریێ چووین و ئەز ئێك ژوانا بووم چوومە لەشكریێ و ژ فەیدیێ هاتمە ڤەگوهاستن بۆ مەعسكەرێ سلێمانیێ چوومە شنگارێ و دووڤ دا هاتمە تكریت و دووف دا چوومە ناسریێ و دو هەیڤان مامە ل وێرێ و بەسرا و پاشی رێكەفتی 2/8/1990 ئەز یێ چوویمە كوێتێ دا و چار هەیڤان مایمە ل كوێتێ وەك لەشكەر و دووف دا مە هارب كر و چوویمە چیایی و ئەز و شەریف بالەتەی و سەعید بالەتەی و ئەم نەوێریاین بمینە ل دهۆكێ دا و ئەم چووینە چیایی ل چیایێ ئەتریش و ب شەڤێ فەوجەكا چەتا ل وێرێ بوو و ئەم ب شەف چووینە دەف وان و بەری سەرهلدانێ دكتور كەمال كەركووكی ل گەل تەحسین كەمەكی هاتە دەڤەرێ و پەیوەندی ب ئازاد بۆتی هاتەكرن و ئەو چوو و دووف دا كاك ئازاد پەیوەندی ب مە هەمی زیندانیێن سیاسی كر، و گۆت دێ سەرهلدان دروست بیت و مە رێكخراوەك دروستكر و مە ناڤێ رێكخراوا خوە كرە رێكخراوا رۆژهات، ئازاد بۆ بەرپرسێ رێكخراوێ و كامل جێگر بوو و پشتی چەند هەیڤان ئازاد بۆتی بۆ ئەندامێ لژنا مەحەلی یا دهۆكێ و ئەز بوومە جێگرێ رێكخراوێ وسەرهلدانێ ئەم بۆ چ جه هاتبووینە راسپاردن ئەمنا دهۆكێ بوو ژلایێ پشتێ ڤە ئەم بهێنیێ و ئەم ئەڤێن زیندانێ(ئەز، فەرج، لەزگین، ئەحمەد كەمەكی، ئازاد، عبدوللا رێكانی) ئەم هەمی ل دروعێ بووین ل لەشكرێ ئیراقێ ول سەرهلدانێ هندەك دەبابە كەتنە دەستێ مە وی دەمی سەرپەرشتیا مە نەقیب سەلام بوو و ئەم ماینە ل گەل وی و شەڤا هاتینە ل دهۆكێ ژی دا ئەم ل نێزیك ئالوكا بووین و ئەو دەبابە مە بر بوونە ناڤ كاژا هەتا مە خوە ڤەكێشایی و كوچا ملیونی دروست بووی و خەلكێ مە بەرەف سنورێن ئیرانێ و توركیا چووین.
هەمان زیندانیێ سیاسی گۆت: پشتی ژ كوچا ملیونی ڤەگەریاین بوومە و ئەندامێ بەرەی ل سالا 1991ێ و هاتمە هەلبژارتن بوومە بەرپرسێ زالگەها ئالوكا ماوێ ننەه سالان ل زالگەهێ مام، لسالا 1993 دەمێ ئاسایش هاتیەدامەزراندن ژ پوستێ ئێكێ یێ ئاسایشێ بووم و هاتمە وەرگرتن و هەرمام بەرپرسێ زالگەهێ هەتا سالا 1994ێ، دوڤڤ پشكا دیڤچوونێ دەست پێكر و ئەز هاتمە دیفچوونا دهۆكێ و ژ پارتی ئەز هاتمە هەلبژارتن بۆ دیڤچوونا دهۆكێ ل ئاسایشێ و ماوێ سالەكێ مام و هاریكارێ مە جەلال عەرەب بوو ژ ئێكەتی بوو و دوڤدا چومە زالگەهێ ڤە و ل دووماهی یا سالا 1999 بوومە رێڤەبەرێ ئاسایشا سێمێلێ و هەتا دووماهی یا 2005ێ، ل سالا 2003 دەمێ نەما رژێما بەعس دەست پێكری مەلەفێ ئێمناهیێ یێ دەڤەرا زومار و رەبیعە و عیازیە د دەستێ من دابوو و مە ئاسایشا زمار ل وێرێ پێك ئینا وی دەمی ب شێوەكێ بەروەخت چووبووم و دوڤدا هاتمە سێمێلێ و پاشان بریار هاتەدان ببمە رێڤەبەرێ ئاسایشا سەنتەرێ دهۆك هەتا 2010 ێ، ل سالا 2014 دەمێ هێرشێن تیرۆرستێن داعش هاتینە سەر كوردستانێ ل گەل جەنابێ سەرۆك مەسعود بارزانی بووم ل گەل جەنابێ وا وەك سەرپەرشتێ ئاسایشا زومار و رەبیعە و دەڤەرا عیازی یە 17 گوندێن سەر ڤە و شەش سالان ل وێ دەڤەرێ بووم.
زیندانیێ سیاسی نەورۆز مەجید محەمەد قەنجو بالەتەیی، دووماهی پەیف گۆت: وەك كوردەك و گەنجەكێ ڤی وەلاتی كەفتیمە زیندانێن بەعسیان دووماهی پەیڤا من ئەوە ئێكرێزی و ئێكگرتنا ناڤ مالا كوردی.
