شانەیا رێكخستنا مە سـەرا شویشتنا وێنەیێن پێشمەرگەی هاتە ئاشكرا كـرن
سالار محەمەد دۆسكی:
5-6
هەمان زیندانیێ سیاسی ئەو ژی گۆت: هەتا 16 تیمێن تەپا پێ مە ل زیندانا ئەبو غورێب هەبوون و دیسا مە تیما باسك بوولێ ژی هەبوو وتیمێن مە تێكەل بوون ژ هەمی نەتەوا، قارەمانیا لەش جوانیێ ڤەكر بناڤێ قارەمانیا قادسیە چونكە كێشا مە كێشەكا سیاسی بوو من گۆتێ پشكداریێ دڤێ قارەمانیێ دا ناكەم و ژ بەر نەپشكداریكرنا من ل قارەمانیا ناڤبری ئەز هاتمە سزادان و سێ هەیڤان ل عەردی نڤستم و 33 سم ل عەردی و مەمرەكی نڤستم و تەختێ من ژ من ستاند و گۆت دێ ل عەردی نڤی و راستە مرۆڤ هاتبوو حوكمكرن بەلێ حوكمی ژی دا تویێ ئازاد نەبووی و سپێدێ زی ل دەمژمێر شەش مرۆڤ ژ خەوە رادكر، و هەتا دەمژمێر هەشت نێزیكی هەشت هزار مرۆڤان دهژمارتن و دەمژمێر دو جارەكا دی ل دەمژمێر ئێك هەمی دهاتنە هژمارتن ڤە و هەروو بڤی رەنگی بوو، هەروو دا رۆژنامەیا ئەلسەورە و پرسیار كەت و ئەگەر تە هژمارا بەیان نەزانیبا دا تە فەلاقە دەت و زێرەڤان عەرەب بوو و ئەو دا خوینت و شپێرڤە و ئەم دا روینە خوارێ و دڤێت تە باش گوهداری كربا و گەل ب با دەمژمێر هەشت ئێڤاری ژی و دەمێ دەنگوباسا قەدەغە بوو بچیە دەست ئاڤێ و تایبەت دەمێ سەدام هاتبا سەر شاشێ وهندەك جاران دا دیاری یا بەلاڤ كەت، و چەند دەمژمێرا دما دڤێت تو ل پێش تەلەڤزیونێ بای و هولێ هەمیێ ئێك تەلەڤزیوون بوو، و ئەڤە نەخوشترین تشت بوو ل دەف مە و تەلەڤزیوونا هەلاویستی بوو و ئەم هەمی بەر دروینشتینە خوار و قەدەغە بوو لڤینەكێ بكەی و ئەڤە هەمی دەروونێ مرۆڤی نەخوش دكر، ئەوا خەلك هزر دكەت دێ چیە ئەبو غورێب تو مرتاح بووی ئەو نینە و ئەگەر دو كەس پێكڤە گەریابان یان پیاسەك كربا دا ئەم چاڤدێریێ كەت، و دیڤچوونێ كەت ئەڤان هەر دوكان چ ل گەل ئێك هەیە و هەر دەم مرۆڤ بن دیڤچوونێ ڤە بووی، و ئەم حەفت سالان دزیندانێ دا بووم و مە چ جارا سەرێ خوە ب ئاڤا گەرم نە شیشتی یە و هەر دەم مە ب ئاڤا تەزی دشیشت و نووبەت بوو و 900 كەس ل سەر چار حەماما و گەلەك جارا نوبەت ژی ب دەست تە نەكەفت و چوونا دەست ئاڤێ نووبەت بوو و هەر ئێكی مەسینەك هەبوو و ژمارە ل سەر بوون یان ناڤ و مە دانە نووبەتێ و گەلەك جاران هندەك نەخوش بوون و زكێ وان دچوو و ئەگەر هەڤالێ تە یان كەسەكێ نیاس نووبەتا خوە نەدابا دا رەنگە تە خو پیسكربا، و ب خورا نە گەهشت و تایبەت ل زیندانا كەركووك گەلەك جاران هەتا ئەم چووینە دەست ئاڤێ رەنگە تە 20 سوندە خاربان، و هەتا 10 دا خوینی و دڤێت تو دەركەفتبای و گەلەك یا نەخوش بوو و ئەڤە هەمی شەرێن دەروونی بوون لگەل مرۆڤی دهاتنەكرن و ئەڤێ چەندێ كارتێكرن ل سەر ژیانا مە كریە هەتا ئەڤرۆ 24 سال بووم من لغاڤە دانایە و هەتا سێ دەفتەرێن دولاری ژی من ل سەرێ خوە داینە و ئەڤە هەمی ئەنجامێ ئەشكەنجەدان و قوتان و لێدانێ و شەرێن دەروونی بوویە و زیندانێن تاكە كەسی.
هەمان زیندانیێ سیاسی ئەو ژی گۆت: گەلەك ژ كەساتیێن مەزنێن شیعە نوكە د دەستێ دانە ل زیندانێ ل گەل مە دابووینە وەك عەلی بەیاع رێڤەبەرێ نڤێسینگەها نوری مالكی وی دەمی ئەم ئەڤێ، وەرزشڤان ژێگرتن بۆ لێنانگەهێ و ئەز ئێك ژوان كەسان بووم من ئافك دزیندانێ دا دروستكر و 120 گینیێن بامیا من رۆژێ دروستكرن، 300 كەس تینان بتنێ بنكێن بامیا بوومە ژێ ڤەدكرن و هەر دەم زیندانی دهینان و هاری مە دكر ل لێنانگەهێ یان بنكێن بامیا یان باجان رەش چێ دكر، 13 كەس تینان قازان شیشتن، دو كەس تینان بتنێ بوومە قودیكێن معجینی ڤەدكرن، عەلی بەیاح ئەوی نیسك چێ دكر و من شوربە چێدكر، ل تەنشت مە بارزانێ برایێ سەدام حەفت هەیڤان زیندانێ دا بوو هولەك هەبوو دگۆتنێ زیندانا هەوالگێریا ئیراقێ ل تەنشت مە بوو و سەرەدانێن وی دچوونە كۆچكا سەرۆكاتیێ و ب ترۆمبێلا دهاتنە دوڤرا و تینا ڤە.
هەمان زیندانیێ سیاسی ئەو ژی گۆت: رێكەفتی 6/9/1988 لێبورین دەركر و دەمژمێر دو و 45 خولەك پشتی نیڤرۆ بوو و لێبورین بۆ كوردان هاتەدان یێ ناڤ زیندانێ و دەرڤەی زیندانێ و دوڤدا، رێكەفتی14/9/1988 ئەم هاتینە ئازادكرن بەلێ دلێ مەیێ خوش نەبوو چونكە كەسەك ژ مە نەبوو مرۆڤەكێ وی پێشمەرگە نەبیت و نە كەفت بیتە بەر هەوا ئەنفالان و حوكمەتێ چەند مەرەم بڤێ لێبورنێ هەبوون و ئێك خوە شرینكرنەبوو و دوو چونكە گەلەك خەلك بەرەف سنوران چوون وەلاتێن توركیا و ئیرانێ و گەلەك راگەهاندن ل سەر ئاخفت حوكمەتێ نەدڤیا كێشا كوردی بكەڤیتە راگەهاندنا جیهانی و بتنێ رێخوشكرنەك بوو خەلك بزڤریتە ڤە و دیسا خەلكی ژی باوەری پێ نەبوو.
زیندانیێ سیاسی، نەورۆز مجید محەمەد قەنجو بالەتەیی گۆتژی: هاتنا مامەلێن دەركەفتنا مە ب ب دوماهی هاتی رێكەفتی 14/9/1988 ل دەمژمێر دو دو خولەك بوو ل زیندانێ دەركەفتم و ل بەردەرگەهی عەمیدێ مەیێ پولیسا بەرپرسێ زیندانا تایبەت بوو چونكە وەرزشڤان بووم دهاتمە نیاسین و كرە كەنی و هاتە سەرێ من گۆت ب ئانەهیا خودێ چوونا تە خێرتێدابیت و گۆت ئەو شیرێ دایكا تە دایەتە یێ حەلال بیت چونكە زانی چەند هاتمە ئێشان و قوتان و چ جارا نەبوومە سیخور یان دەنگ و باسا ل سەر هەڤالێن خوە بدەمە ئەمنا زیندانێ وی دەمی ئەم بچوویك ژی بووین لەوما ژ بەر هندێ گەلەك حەزژ من كر و ئەم ئەف هەڤالە دەركەفتین (ئەز، ئازاد بوتی، لەزگین خەلیل ملحەم، ئەحمەد كەمەكی) ئەم دەركەفتینە دەرڤە و مە بەغدا نەدیتی یە و ئەم بچكین و من بەرێ خودایێ خالەكێ من محەمەد یێ بالەتەی بوو و هاتبوو بەراهی یا كورێ خوە بابێ سەربەست گۆت هوون دێ فراڤینێ ل گەل من خوە پاش دێ چن و خوارنگەهەكا بێ سەربەر بوو و دوڤدا ترۆمبێلەك بوومە گرت و گۆت هوون دێ چنە گەراجی و گۆت ژ گەراجی نە دەركەڤن و گۆتە شوفێری بگەهینە گەراجی بخوە ترۆمبێلەكێ بگرن و هەرن.
