شروڤەکارەکێ سیاسی: سیستەمێ ففتی/ ففتی ل کودستانێ ب دووماھی ھات
ئەڤرۆ نيوز:
شروڤەکارەکێ سیاسی ل دور پەیوەندیێن ناڤبەرا کوردستانێ و عیراقێ دا راگەھاند، مێژویا چەند سالێن بۆری ل ئەزمونا پێکئینانا دامەزراندنا کابینێن حوکمەتا کوردستانێ ئەو چەند بوو مە دیار بویە ئەزمون بۆ ئەڤرۆ سالا 1992 ێ ھەتا نوکە چەند کابینە ھاتینەپێک ئینان بویە ئەزمونەک بۆ نوکە، ھەموو سیستەمێن دامەزراندنا حوکمەتێ ل کوردستانێ ھاتینە تاقیکرن وەک سیستەمێ 50 – 50 و حوکمەتا بنکە فرەھـ و حوکمەتا ب ئۆپۆزسیۆن و بێ ئۆپۆزسیۆن ھندەک پارتێن سیاسی ل ناڤ حوکمەتێ بوون و ل ئۆپۆزسیۆنێ بوون ل ناڤ خەلکی دا ئەڤ سیستەمە ل چۆ وەلاتاندا نینە،ل گوری رێککەفتنەکێ پارتی چەندین پسوت بەخشینە بزاڤا گۆران ل دەمێ بۆری ل عیراقێ و کوردستانێ ل کوردستانێ و ڤی گەرا ھەلبژارتنا پێدڤیە حوکمەت ل گور ئەنجامێن ھەلبژارتنا بھێتە دامەزراندن کو ئەڤە خواستا پرانیا دەنگدەرایە.
دلشاد مستەفا وەسانی شروڤەکارێ سیاسی بۆ روژناما ئەڤرۆ گۆت: پارتی دیموکراتی کوردستان ل ھەلبژارتنێن 30 ێ ئیلونێ بۆ پەرلەمانێ کوردستانێ سەرکەفتیا ئێکێ یەو ب رێژەکا زور مەزن ل گەل دوەما ھەلبژارتنا دایە ،پێدڤیە ھەمی لایەنێن سیاسی ل گوری ماف و رێژا کورسیێن خوە پشکدار بن ل حوکمەتی و پوست و پلەیا وەرگرن ،ھەر لایەنەکێ پشکداربیت بلا دروست بیت ب تنێ بلا ھەر ئێک ل گور ئەنجامێن ھەلبژارتنا و کورسیێن خوە ماف ھەبیت ل حوکمەتا نودا ، نابیت ئەز مونێن بۆری ژ بیربکەین نابیت ژبلی پارتی دیموکراتی کوردستان وەک ئێکەما سەرکەفتی ل ھەلبژارتنا چۆ لایەنەکێ مەرج ھەبن بەلێ نوکە بەروڤاژی ب تنێ پارتی مەرج نینەو ھەمو لایەنێن دی مەرج ھەنە.
وەسانی ئاشکراکر، ژ بۆی بەرژوەندیا گشتی پێدڤیە حوکمەت ل گور ئەنجامێن ھەلبژارتنا ب ھێت پێکئینان ژبەرکو دەنگدەران دەنگ دایە نونەرێن خوە بۆ وێ چەندێ کاربۆ بکەن ،پێدڤیە مافێن ھەموویان بھێنە دان ل گور ئەنجامێن ھەلبژاتنان، ل ھەموو جیھانێ سەرکەفتیا ئێکێ دێ ھێتە راسپاردن بۆ پێکئینانا حوکمەتێ پێدڤیە مەرجێ پێکئینان و پشکداریکرن ل حوکمەتێ ئەو بیت یان دڤێت ل حوکمەتی بیت یان ل بەرەیێ ئۆپۆزسیۆنێ بیت، و نابیت سپێدێ ل حوکمەتێ بیت و ئێڤاری ل ناڤ ئۆپۆزسیۆنێ بیت ، سیستەمێ 50 – 50 ل کودستانێ دوماھیک ھاتیە نەک ژلایێ پارتێن سیاسیڤە بەلکو خەلکی بریارا دوماھیێ لسەر دا و کونابیت ئەڤرۆ پێڤە ئەو سیستەم ھەبیت و پیێ ڤە ل گور ئەنجامێن ھەلبژارتنان پارت و لایەنێن سیاسی پشکداربن ل حوکمەتێ.
