شیرەتکارێ مەکتەبا سیاسی: پارتی دێ زێدەتری 38 کۆرسیێن پەرلەمانی ب دەست ڤە ئینیت
ئەڤرۆ نیۆز، قائید میرۆ:
شیرەتکارێ مەکتەبا سیاسیا پارتی ئاشکراکر، رەوشا پارتی ل ھەلبژارتنێن ڤێجارێ زۆر یا باشە و پێشبینی دکەین ھژمارا کۆرسیێن پارتی زێدەببن بەراورد ب کۆرسیێن خۆلا نوکە ھەی.
عارف رشدی، شیرەتکارێ مەکتەبا سیاسیا پارتی دیموکراتی کوردستان بۆ ئەڤرۆ نیۆز گۆت” رەوشا پارتی ل ھەموو حزبێن دی یێن کوردستانێ باشترە بۆ ھەلبژارتنان و جەماوەرێ پارتی ل سەرتاسەری ھەرێمی کوردستانێ رۆژا 30ی ئیلوونێ دێ بڕیارا خوە بدەت و بۆ ھەموو ئالیەکی سەلمینیت پارتی ھەر سەنگ و پێگەھێ خوە مایە.
ل دۆر ھژمارا کۆرسیێن پارتی ل خۆلا بھێت یا پەرلەمانێ کوردستانێ عارف رشدی دیارکر” ئەز نەشێم چو ھژمارەکێ بێژم، چونکە چو پیڤەر نینە بۆ دیارکرنا کۆرسیان، بەلێ ئەم پشتڕاستین ل ھەلبژارتنێن ڤێجارێ دێ ھژمارا کۆرسیێن پارتی لپەرلەمانێ کوردستانێ ھێشتا زێدەببن.
پارتی دیموکراتی کوردستان ل ھەلبژارتنێن بۆری دا 38 کۆرسیێن پەرلەمانی بدەستڤە ئینابوون و گورەی راپرسیێن ھاتینە ئەنجامدان ھژمارا کۆرسیێن پارتی دێ زێدەبن.
