شەرقولئەوسەت: بارزانی ب ئەندامێن خێزانا خوەڤە یێن ل بەرۆکێن شەڕێ داعش
ئەڤرۆ نيوز:
بابەتەک ل دۆر سەرۆکێ ھەرێما کوردستانێ د “شەرقولئەوسەت” دا ھاتیە بەلاڤکرن کو بەحسێ دەستکەفتێن سەرۆک بارزانی دکەت پشتی پۆستێ سەرۆکاتیا ھەرێمێ وەرگرتی و ئێکەم دەستکەفتێ ب دەستڤەئینای ئێکگرتنا دو ئیدارەیا ھەرێمێ بوو.
ل دووڤ ئامارێن فەرمی، بەری دەستبکاربوونا بارزانی ئاستێ ھەژاریێ ل ھەرێمێ ژ ٥٠% پتر بوو و ل بن سیبەرا سەرۆکاتیا وی، ئەو ریژە بۆ ٧% نزم بوویە.
چاڤدێرێن سیاسی وەسا دبینن کو چوونا کۆمپانیێن مەزن بۆ ھەرێمێ، ل بن سیبەرا وێ سیاسەتا ئابووری بوو یا کو سەرۆکاتی و حوکمەتا ھەرێمێ پەیرەو دکر و کوردستان کریە مێرگەکا ھێمن و پڕی تەناھی د ناڤ دەریایەکێ پڕی جەنگ و تیرۆر دا و ھەر ڤێ چەندێ کوردستان کرە پەناگەھەکێ ئارام بۆ ھەموو عیراقیان کو نوکە نێزیکی دو ملپۆن ئاوارە و پەنابەر لێ ھەنە.
د بابەتی دا ھاتیە، بارزانی بەری ھەرتشتەکی خوە ب پێشمەرگە دزانیت بۆ سەلماندنا ڤێ ژی، ئەو و ھەموو ئەندامێن خێزانا وی ھەر ژ دەستپێکا شەڕی، یێن ل بەرۆکێن پێشیێ یێن شەڕێ داعش و ڤێ چەندێ ورا ھێزێن کوردی یا بلندکری و ھاریکار بوویە بۆ شکاندنا داعش و پتر ژ ٩٥% ئاخا ھەرێمێ یا رزگار کری، کو کەفتبوونە بن دەستێ رێکخراوا توندرەوا داعش، پتر ژ ڤێ ژی ناڤێ پێشمەرگەی وەک ھێزا ئێکانە یا پیادە ل جیھانێ دەنگڤەدا کو شیایە پێشڤەچوونێن داعش راوەستینیت.
ژ دەرڤەی کوردستانێ ژی بارزانی ب ئەندازیارێ پرۆسا ئاشتیێ د ناڤبەرا PKK و تورکیا دا دھێتە دانان.
