شەهیدەك د ناڤبەرا هۆلەندا و قەسەریجێ دا بـوویـە سیمبۆل
زاگرۆس بەرواری
ل سالێن دەستپێکا ٢٠٠٠، مە کارێ ڕێکخستنێ ل وەلاتێ هۆلەندا د کڕ. هەڤال سەگڤان جەمیل. ل نێزیک باژارێ هۆرن پەیوەندی ب من کڕ. گۆت: ئەڤرۆکە دێ هەڤالەکێ تێکۆشەر و ئێک ژ پێشمەرگێن شۆڕشا گولانێ ب تە دەمە ناسکرن. کەیفا من گەلەک هات و من دڤیا زووتر ببینم.
دەما ئەز چوویمە لایێ وان هێشتا هەڤالێن مە یێن دی نەهاتبوون. تەماشە دکەم هەڤال سەگڤان و کەسەکێ دی ژی ل گەل یێ روینشتی یە.. لێ من ناس نەدکر، دەما من رۆژباشی ل وان کڕی. وەسا ب گەرمی ئەز هەمبێز کرم تو دا بێژی ئەم هەڤالێن ئێک یێن زارۆکاتیێنە.
هەڤال سەگڤانی ئەز بۆ شەهید شەوکەتی دابوومە ناسکرن. و ئەو قارەمان ژی ب من دا ناسکرن.. کەیفا من ژی گەلەک هات کو وەلاتپەروەر قارەمانەکێ وەک شەهید شەوکەتی من ناسکری.
بەری چەند رۆژەکان ل سەنتەرێ پێشمەرگەی دەما دا مووچێ کەسەکێ خانەنشین وەرگرم. چاڤێن من ب پرتووکا رێبازا شەهید شەوکەت کەفتن. ئەو ڕۆژا ل وەلاتێ هۆلەندا هند سارمابوو. لێ ئەو دیدارا هندا گەرم هاتە بیرا من.. من دزانی دەم یێ هەی پرتووکێ بخوینم. چونکو دورا من یا دوورتر بوو.. من نەدڤیا دەمێ خوە ب هەروە بکوژم. لەوا من دەست ب خواندنا پرتووکێ کڕ. لێ دەمەکێ من گول بلندگۆیێ بوو. دەما گۆتی: سەددام حوسێن بلا بێت مووچێ خۆ وەرگریت.. من گۆت: دونیا گۆڕانکارینە. دێ سویند خۆم ب خوینا شەهیدان ل ناڤا شۆرشا گولانێ ئێک کەس ب ناڤێ سەددام حوسێن پێشمەرگە نەبوو. لێ ب سایا خوینا شەهیدێن وەکوو شەوکەت دەحلێنەوی. ئەڤرۆکە سەددام حوسێن ژی ..خانەنشینە…! د ناڤا ڕێزێن پێشمەرگەی دا.. ب هەر حال.
دێ ئاماژێ ب ڤێ بیرەوەریێ کەم. ئەم یێن د سەنگەرێن بەرەڤانیێ دا. ل رۆژئاڤایێ دیجلە. تایبەت گوندێ، قەسەرج. ل رۆژا/١٦/١٢/٢٠١٥ شەڤەکا مژ و دۆمان بوو. گەلەک جاران ئەڤ مژە. حەتا نیڤرۆ ژی یێ بەردەوامبوو. ژ میترەکێ پێڤەتر مرۆڤی رۆناهی نەدیت.. لەوا تیرۆرستێن داعش شیان دەلیڤێ ژ ڤێ چەندێ ببین و حەتا خوە گەهاندیە سەنگەرێن پێشمەرگەی. ل گوندێن کوتانکێ ل رۆژئاڤایێ قەسەرجێ. و هەڤالێ مە یێ وەلاتپەروەر ئەو قارەمانێ من ل غەریبیێ دیتی ل گەل سێ هەڤالێن دی دکەنە ئارمانج و ب مخابنی ڤە د وێ هێرشێ دا. دگەهنە کاروانێ شەهیدان. هەڤالێن یەکەیا مە حەتا گەهشتینە جهێ بۆیەرێ.. شەڕ ب داوی. هاتبوو و هەموو تیرۆرست، ب دەست و زەندکێن پێشمەرگەی هاتبوونە ژناڤبرن. چەندەک ژ وان خەلکێ مەنگولا بوون.
لێ ئاها ژنوی د وێ رۆژێ دا من زانی کو فەرماندە شەوکەت، یێ ژ هۆلەندا هاتیە بەرۆکێن هەری پێشیێ. خەمگینیا من چەند بوو دوجار هندە مەزنتر لێهات.
ئەگەر ژ بۆ ڤیانا وەلاتی و ئازادیا کوردستانێ نەبا، باوەڕ ناکەم ژ بۆ چ ڤیانا کەسەک ژ بەختەوەریا وەلاتێ هۆلەندا بهێت و ل نێزیک کەسکێ شەهید ببیت! لێ ژ بۆ ڕاستیا ڤێ چەندێ زێدەتر د هەلبەستێن شەهید شەوکەتی دا خوەیا دبیت. ل(مهابادێ مێزەکەن، چارچرایێ قەد ژ بیر نەکەن)
(هۆ گەلێ وار لێ سۆتی باژێر و گوند لێ چۆلکری)، بەلێ کەسێن خۆدان هەلوەست دێ بنە خوەدیێن تاجا مێرانیێ و بلندترین باوەرنامێ، ئەوژی بەختکرنا گیانییە ل پێناڤی ئازادیا کوردستانێ. هزار سلاڤ ل گیانێ شەهید شەوکەت دەحلێنەوەی و تەڤایا شەهیدێن ڕێکا رزگاریا کوردستانێ بن.. دەستخۆشیێ ل نڤیسکارا پرتووکێ خاتوون رۆناهی سەعید عەلی دکەم.
هەڤال و هەڤچەپەرێ شەهیدی.. زاگرۆس شەهید مستەفا.
