عۆد پتر ژ سازێ ل گەل دەنگێ مرۆڤی دگونجیت
بێوار حەمدی
مۆزیكژەن (فەلاح سەدیق) كو ئەڤە نێزیكی (13) سالانە ئامیرەیێ عۆدێ دژەنیت، د دیدارەكێ دا بۆ رۆژنامەیا ئەڤرۆ گۆت: هەر چەندە تایبەتمەندیا من یا جوودایە ژ مۆزیكێ كو (كاگێڕی) یە، لێ دژیەكێ بچووك دا من حەزژ بۆ ژەنینا عۆدێ هەبوو، لەورا دەمێ دەلیڤە هاتی من دەستپێكر و دێ یێ بەردەوامبم.
هەروەسا گۆت: ب دیتنا من خەلكەك پتر حەزژ ژەنینا عۆدێ دكەت ژ سازێ، ژبەركو مرۆڤ دشێت تونا نزم و بلند بكەت، هەروەسا عۆد پتر ژ سازێ ل گەل دەنگێ مرۆڤی دگۆنجیت، چنكو دەنگێ سازێ یێ زراڤ و تیژە، بۆ زانین ئەز بۆ خۆشیا خۆ ل هندەك ئاهەنگ و روونشتنێن ل گەل هەڤالان عۆدێ دژەنم، نە بوو بدەستڤەئینانا داهاتەكی و من هزر دوێ چەندێ ژی دا كریە كو خۆلەكا فێركرنا عۆدێ ڤەكەم، لێ هەتا نوكە دەلیڤە نە چێ بوویە.
