عەلی ئەڤریکی یێ بەرهەڤیان بۆ چێکرنا چەندین کلیپان دکەت
بێوار حەمدی:
سترانبێژ (عەلی ئەڤریکی) د دیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: هەتا نوکە من دوو ئەلبووم هەنە دگەل 28 کلیپان و یێ بەردەوامم دسترانگۆتنێ دا و ژبلی سترانگۆتنێ ئەز ئامیرێ سازێ ژی دژەنم، هەروەسا ئەز ب سترانا خوە یا بناڤێ « مەرجێ» پتر بەرنیاس بوویمە، ژ بەر کو سترانەکا سەردەڤ و خوەش بوو، من سترانێن شەهیانان هەلبژارتن بۆ گۆتنێ، ژ بەر کو خوەشیەکە بۆ تەڤایا مللەتێ مە و بتایبەت سترانا فلکلۆری چوجاران نامریت و کلتورێ مللەتێ مە دێ هەر بلند هێتە پاراستن.
عەلی ئەڤریکی ئەو چەندە ژی دازانین، ئەز وەکو سترانبێژێ شەهیانان ژ لایێ خوە ڤە گەلەک یێ هاریکارم دگەل خەلکێ خوە، ژ بەر کو بێی خەلکێ خوە یێ خوەشتڤی ئەز سترانبێژ نەدبووم و گۆت: سوپاس بۆ خودێ ئەو داهاتێ بۆ من ب هونەری ڤە دهێت رسقەکە ژدەڤ خودێ و یێ پێ رازیمە، ئەز گەلەگ ب سترانبێژێ نەمر (عەبدولواحد زاخۆیی) داخبارم و سترانبێژێن نوکە ژی یێ داخبارم ب ( موەفق گورانی) و سەبارەت ڕۆژانێن داهاتی ب هاریکاریا کورێ من سیراجی ئەز یێ بەرهەڤیان بۆ چێکرنا چەندین کلیپان دکەم و ب حەزکرنا خودێ ل ل نێزیک دێ دلێ حەز ژێکەرێن دەنگێ خوە شادکەین.
