فه‌رمانگا گشتى يا بارێ شارستانى ل هه‌رێمێ دێ هێته ژناڤبرن
ئه‌ڤرۆ نيوز:
سه‌رۆكێ ديوانا وه‌زاره‌تا ناڤخۆ راگه‌هاند كو به‌غدا بڕيارا هه‌لوه‌شاندنا رێڤه‌به‌ريا گشتى يا ره‌گه‌زناما هه‌رێما كوردستانێ دايه و ب ڤێ چه‌ندێ ژى پتريا كارێن وه‌لاتيان دێ ڤه‌گه‌رن بۆ به‌غدا.
سامى جه‌لال، سه‌رۆكێ ديوانا وه‌زاره‌تا ناڤخۆ، د داخۆيانيه‌كێ دا راگه‌هاند كو حوكمه‌تا به‌غدا بڕيارا هه‌لوه‌شاندنا رێڤه‌به‌ريا گشتى يا ره‌گه‌زنامێ ل هه‌رێما كوردستانێ دايه.
دا زانين ژى كو ب ڤێ بڕيارێ دێ پتريا كاروبارێن وه‌لاتێن هه‌رێما كوردستانێ بۆ به‌غدا ڤه‌گه‌رن و ئێدى كارئاسانى بۆ وه‌لاتيان دێ ب زه‌حمه‌ت كه‌ڤيت.
پشتى هه‌ر ئێك ژ گۆڕان و نه‌وه‌يى نوێ و كۆمه‌لا ئيسلامى سكالا ل سه‌ر هه‌رێما كوردستانێ تۆمار كرى ب مه‌ره‌ما ده‌ستكاريكرن د ناسنامان دا ب مه‌ره‌ما ده‌نگدانێ، حوكمه‌تا به‌غدا لژنه‌ك بۆ ڤه‌كۆلينێ پێك ئينايه و بڕيارا گرتنا رێڤه‌به‌ريا گشتى يا ره‌گه‌زنامێ ژى ل هه‌رێما كوردستانێ دايه.